بنـــــــــات الامارات بسرعه الحقوني، عروس ظاربه فيوزاتها

بنات الامارات شحالكن فديتكن؟ عساكن بخير
بدش في الموضوع على طول
انا بملج ان شالله في الصيف،وطبعا مثل ماتعرفون موسم الصيف ماشالله كله اعراس والخياييط والصوالين فل يعني محد بيتفيج وبيسويلي فستاني او مكياجي فابا احجز من الحين
محطيه في بالي كمن صالون معين بس كل حد قالي المفروض في الملجه تكونين بسيطه عشان تتغيرين في العرس.والله انا عادي عندي لانه فتره الملجه بطول شوي بتكون 5 شهور مايندرا عاد شو بغدي عقب؟
حطيت في بالي كذا صالون معين انصحوني الله يخليكم
صالون منى في دبي هذا من متى وانا خاطري اتمكيج عندهم منو جرب مكياجهم؟؟ومنو احسن وحده عندهم تعدل وتسوي تسريحات وشي ثاني بعد شو عن اسعارها
ماادري اذا سمعتوا عن وحده بعد اسمها غريسه تعدل في الشارجه شو رايكم في مكياجها
هيفا ناويه اخليها حق العرس ان شالله ومادري كل حد يقولي مكياج السبيشل واللي بتملج نفس الشي
ماادري ياني شور يوم اسريلهم اقوللهم ابا شي سبيشل ويعدولي ومايعرفون اني بملج بس عقب اقول اخاف يعفسولي ويهي عفسه ويزيغ هذا الفقير اللي بياخذني:22:
شو من الصوالين اللي تعرفونها اوكي بس عقب تجربه حتى لو مواطنات يعدلن وحبذا لو في الشارجه لانها اقرب لي من دبي

انزين عن الخياييط والمصممين؟بمنو تنصحوني افصل فستاني عندهم بالكثير الفستان عندي يكون بــ2000
وشفت وايد فساتين عند مصممين باقل من هذا السعر لكن شو الفستان عجيب والله
حد منكم سمع عن وحده في الشارجه اسمها اريام مواطنه شفت تصميمها على ثنتين من اهلي كانوا روعه ماشالله بس ابغي حد غيرها عند خيال واسع في التصميم....ماعليه اعذروني شوي لانه ماعندي حد يركض ويايي:( حتى لو في دبي مب مشكله
انزين صوالين الحناء انا عادي عندي اتحنا في راس الخيمه لانه ماشالله البلاد متروسه من صوالين الحنا
بس امس مرت اخوي خبرتني عن صالون اسمه داماس في عيمان قالتلي كلمه روعه شوي عليهم شافت حناهم عند وحده وعيبها؟؟حد منكم سمع عنهم
اكسبوا فيني اجر جني فقيره اشحت:( الله يخليكم حاولوا تساعدوني كثر ماتقدرون لاني صدق زيغانه لين هاك اليوم ومن غير هذا شاله هم خواتي الصغار لاني مب عارفه متى بركض وياهن ولازم نطلع بشي يبيض الويه ان شالله
والله يقدرني واردلكم مساعدتكم هذي في الافراح ان شالله
هييييييييييييه صح انا العصر ان شالله بظهر بلفف الصوالين اللي بتخبروني عنها لاني من اليوم ان شالله ناويه احجز والمصممين اخر الاسبوع