بنات اقروا هذي خخخخخ كم مره قريتها بس مازالت مضحكة :hahaha:

هذا رجال يحكي معاناته مع ورقة المقاضي :hahaha:


--

ياعااااااااالم قسم راحت حياتي اوراق صغيره . جيوبي مليانه .. كل ظهريه وبعد صلاة العشا طيب يامرتي العزيزه فيه شي اسمه دمج .. رئاسة تعليم البنات بكبرها دمجوها .. ما تمدجين انتي ورقة مقاضي الظهر مع ورقة مقاضي الليل ونفتك من هالقلق اليومي ..







المشكله وشي . المشكله اني اقرا طلبات مالها داعي بس مجبور اجيبها . دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين??



طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي



مره سويت فيها ذكي وبعد ماقضيت لمرتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يلعن ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ما ناقص الابطل بلاك ..




المشكله ان مرتي تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه ??

واروح البقاله ما لقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت يا اخي معليش انا نسيت اسمها بس انها كنافه ما هيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..






وكله كوم ويوم خذت اختي في المدرسه طريقة عمل المكرونه بالبشاميل سرى يومنا ما غير ناكلها الى درجة ان ابوي اضافها في دفتر العايله لانها صارت جزء من العايله ووحده مننا هههههههه






الله يحفظ الوالده . ورقة المقاضي حقتها ماتتغير علشان كذا ما نرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض !!!




المشكله ماعندهم رحمه .. درجة الحراره في عز الصيف ألف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخيييييييييييل .. ويا عيني على استخدام التقنيه .. ورقة المقاضي صارت من العصر الحجري ..


الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . ) ( الله على الجمس الأول وارد الستين ) << رسالة داخله بالغلط خويته ابوها شريطي ههههههههههههه وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس



وما قطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه



مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه

un hana
الله يسعدك من زمان ما ضحكت زي كذا

رهيبه مره ماشاء الله اللي كاتبها خفيف دم

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

توحفه

من جد

معاناااه

ولا حكاية السفره هع هع هع

تسلميييين وسعتي صدري الله يوسع صدرك

السلاام كيف حالكم بنات


انا داخله جايبتلكم حاجه حلوه يابنات برمنقهام


لمحبي الاشياء القديمه وتفاصيلها :32:


**
برمنقهام والمناطق اللي حولها تسمى بال black country لسبب وهو انها كانت في الماضي مدينه صناعيه كبيره

ف كانت سوداء في النهار من الدخان حمراء في الليل من النار !

رحنا ل
BLACK COUNTRY LIVING MUSEUM
Tipton Road
Dudley , DY1 4SQ

متحف او معرض
لا لاتقولون وع :p

تراه اسم على مسمى

Living

فيه ناس اوادم كانهم جايين من الماضي بلبسهم فبيوتهم فحايتهم ومعيشتهم مطابخهم واكلهم ولعبهم وادواتهم وووووو

في كل التفاصيل :)

حتى فيه عائله عايشه في المتحف خخخخخخخ والله ماامزح ويفتحون بيتهم في نهايةالاسبوع للزوار و يتكلمون عن الماضي واذا رحتوا الشايب اسالوه عن بنته هههههه

باقي البيوت مفتوحه على طول ومره حليوين واسالوهم عن اي شي يجاوبونكم :) واسالوهم عن حياة الناس اللي كانوا عايشين في هالبيوت و راح يقصون عليكم قصصهم .. من جد وناسه

على فكره البيوت بعضها اصليه وناقلينها للمتحف وبعضها محاكاه ومبنيه بطوب قديم وجايبينها كانها هي الاصليه والخشب قديم وو

وفيه شارع فيه محلات قديمه يعرضون فيها على الفترينه ملابسهم القديمه وفيه مصوّر تصورون عنده وفيه صيدليه قديمه طبعا ماعندهم كريمات تفتيح للبيع هع :hahaha:

وفيه سينما صامته

وفيه مدرسه ومدرس و لو كتابه ويعطيكم درس بعد :hahaha:

وفيه تراام tram

وفيه mines مناجم ورحلات تحت الارض في المناجم :o


وفيه العاب وفيه اماكن صنع القوارب وتصليحها .. على فكره برمنقهام فيها اطول قنوات في اوربا اظن لانهم كانوا يستخدمون هالقنوات في نقل منتجاتهم

وفيه مكان العاب جزء منها العابهم القديمه والمشغلين يلبسون لبسهم القديم

واول ماتدخلون جزء مغلق يتكلم على تاريخهم وصناعاتهم وحياتهم

بس باقي المتحف مفتوووح فاحرصوا تروحون فيوم مايكون ممطر

وتراه يستاهل نصف يوم على الاقل

باذن الله لنا رجعة له لاننا ماكملناه طقنا الجوع هههههه .. المحل اللي يبيع fish & chips على الطريقه القديمه ويلفونها بورق زي اول وعليييه زحممممممممممممممه وفيه مقهى الكن حظنا هذاك اليوم كله خنزير ومشتقاته فاضطرينا نطلع بدري والا كان ودنا نشوف كل شي :)



واسعارهم


Admission Prices - 2009

Adults: £12.95
Senior Citizens: £10.50
Children: (5 - 18): £6.95
Under 5's: Free

Family Ticket
(2 Adults and up to 3 Children): £34.95
(1 Adult 1 Child): £18.00

Student Rate: £6.95 (with NUS card)
Parking: £1.00 per car
Guide Book: £3.00
Group Rates available for parties of 10 or more
Optional Canal tunnel & Fairground rides available at additional charge

فيه حاجه Gift للي يدفعون ضرائب اخذوها لانكم تقدرون ترجعون مره ثانيه ببلاش خلال 12 شهر :D



سلام

هلا بنات شخباركم
مشتاقتلكم والله
وش مسوين في الايستر وين رحتوا ووين جيتوااااا
اغلب البنات مختفين
ولا ما بعد صحيتوا بعد الاجازه
كان ودي نمر مانشستر وادنبرا بس مره ثانيه
هالمره اكتفينا بالجنوب
ومع السفر والرحلات تلخبطت عندي مواعيد حبوب منع الحمل
اخر 3 حبات ما كلتها وجتني الدوره بعدها بكم يوووم
هل هذا شئ عااادي ؟يعني مافيه مخاوف ولا ايتو حاقه يا بنااااات
وتوني خذت موعد بكره علشان يكتبون لي واحده قريبه من جينرا
لان الي عندي من الرياض خلصت
وعرفت من ام هنا تنحف معقووووول عاد انا من بعد الولاده وانا ناحفه خلقه