كوبونات الراقية تسجيل الدخول

ام عبدول
ام عبدول •
هلا والله برياحين
لك الحق ارسل بس انشغلت
اخبار جارتي سافروا والا بعد
بالله عليك اتفقي معها وتفضلوا عندي
الله يحييكم
وبالنسبه للدوام
للاسف داومت وانبسطت بالدوام
بس الوقت ماناسبني ابد
من 2 الى 6ونص
وولدي يطلع 3ونص واستخرت وان شاء الله خيره
وانتظر يفتحون فصل الصبح على خير

طيب هالاوت لت وينه اللي نفس الاسم
واللي شرررررررح قصدك اللي بشستر

وماتقصرين ياعمري
Um asoooooom
Um asoooooom •
السلام عليكم بناااااااااات
من يومين رحت بريمارك وحصلتهم منزلين تنانيرحلووووووووووووه ومقاس طويل وسعرهم رخيص ب 13 باوند
شفت من فتره نفس التنوره اللي شريتها في ماركس سبنسر بس سعرها كان 35 باوند
][ماسه لؤلؤيه][
][ماسه لؤلؤيه][ •
][ماسه لؤلؤيه][ ][ماسه لؤلؤيه][ :
السلام عليكم.. اخباااركم جميعاً..:26: وجمعه عااامره بطاعة الرحمن..:) وودي اسألكم عن المساحه حقت الحمام(عزكم الله) اللي فيها اسفنج يسحب المويه بعدين اكبها في الحوض<<<وصف ولا اروع خخخخخخخخخخخ:42: شفت زيها في الدعايات ومن عقبها ماعاد جابو الدعايه :( وابيهاااا ضروري عشان دورة المياه تعرفون هنا ارضيتهم مافيها تصريف واللي عندي مفروشه فينيل بعد..فهمتوا علي...وطايحين فيها البنات بالسعوديه:angry2:عجزت اذكر اسمها..
السلام عليكم.. اخباااركم جميعاً..:26: وجمعه عااامره بطاعة الرحمن..:) وودي اسألكم عن المساحه حقت...
شااركوني ولو بدعوه :)
ريمي76
ريمي76 •
يعطيكمـ العافيهـ بناااات

ابسالكم اذا بغيتوا تتصدقون بملابس او احذيه الله يكرمكم

يعني المستلزماااات الخاصه وين تودونها ؟؟

واذا عندكم ارقام لناس اكلمهم يجوني الشقه

لان شوي طلعتي صعبه..اذا تعرفون احد ردوا علي بليز

الله لا يحرمنا وياااكم الاجر!! والدال على الاخير كفاعله

وانا موجوده بلندن .
hsamo
hsamo •
ماسه لؤلؤية،، كلنا نعااااااااااااني يازين حمامي بالرياض اطرطش المويه بكل مكان والصابون فوق تحت وهاتك يادعك وبالاخير بالمساحة ويصير يلق لق،، بس هنا تذكرت وليام ولد تشارلز يوم كان بافريقيا،،يتطنزون على العالم الثالث والله هم العالم الثالث،، اجل الحمام مافيه تصريف؟؟ والبانيو حديد محكوك اذا غسلت شعري بس امتلى واقعد اصبر شوي لين يصرف واكمل اغسل باقي جسمي؟؟!!!! وابشركم بعد المرحاض بحمام بلحاله والبانيو والمغسلة بحمام لوحده يعني اذا دخلت المرحاض يدري زوجي اني رايحة اهبب لا والمشكلة باب المرحض بالضبط بوسط الصالة يعني لو اتركه مفتوح احسن،، والله من التخلف<<<<قصت حياتها كلها ههههههه
بس فيه موضوع هنا عن تنظيف الحمامات اتوقع تكلموا فيه عن الاسفنجة اللي تقصدين بس انا ماقد جربتها ولا شفتها فاعذريني ماادري وين تلقينها معتمدة على الممسحة العادية عن طرطشة المويه هههه
هذا الرابط اللي اقولك دوري فيه لانه طويل مرة
http://forum.hawaaworld.com/showthread.php?t=1570011&highlight=%CA%E4%D9%ED%DD+%C7%E1%CD%E3%C7%E3

سوال بنات بليز متى تبدا الاجازة الصيفية هنا بالنسبه للمدارس البريطانية؟؟؟؟؟؟؟
سؤال ثاني(ذكرتني فيه ريمي) بنات المسجد عندنا يرفض ياخذ الملابس والجزم تكرمون واشوف فيه زي الزبايل كبيرة مكتوب عليها للملابس والجزم (تشاريتي) يجوز والا لا؟؟ لاني اتوقع انها تروح للكنيسه؟؟وش رايكم؟؟