تسلمى يا سندريلا فعلا انا الى كنت غيرت اسمى :) يارب نفضل دايما متجمعين على خير ومبروك عليكم الجزء الجديد الجميل ده ومعلش بأه انها جايه متأخره

يا سلام يا شيري
انتي تنوري وطبعا شاكي من غير ما تستاذني يا جميل

شكرا ليكى يا ام احمد و المكان منور بيكم وبحبكم فعلا .. انتوا كنتوا واحشنى جدا ووحشنى رغيكم بس قلت طالما انى مش حقول حاجه مفيده فأسكت احسن واتابع من بعيد

اهلا شيرى عودا احمد
بس ابلة دون استنوها على الفجر كدة اصل العشا بيبقى تقيل عشان الامتحانات :7_5_131:

يا بنات انا عايزة اسألكم على حاجه .. انا عندى 2 من صحباتى ما شاء الله على وش ولاده و حيجيبوا صبيان .. الى اعرفه ان لما بيكونوا بنات بنجيب لهم حاجه دهب صغنونه لكن لما يكونوا صبيان الواحد بيجيب ايه !!! وحد يعرف محل ملابس اطفال يكون ذوقه حلو واسعاره معقوله ؟ انهارده كنت فى العزبى بتاع جنينه مول عندهم حاجات تحفه ولبس يجنن بس لقيت ايه بأه .. طقم كده جينز عسوله اوى ب 165 جنيه !! هى دى كده الأسعار ولا ده مبالغ فيه ؟ احسن انا ماعنديش حد اشتريه له الحاجات دى وماعرفش اسعارها ايه