أزيكو يا بنات يا حلوات
أنا بقالى كتير منقطعة كنت كل ما ادخل ألاقى حاجات غريبة أطلع على طول
لكن شكل الميه رجعت لمجاريها
واسمحولى أتحشر معاكو
وحشتنى صحبتكو الحلوة

السلام عليكم و رحمة الله و بركاته

اهلا يا هبة و يا احلام ازيكم يا بنات؟

ازيك يا سندريلا؟ يا رب تكون نفسيتك احسن دلوقت يا حبيبتي و ان شاء الله كل شئ يتحسن و يبقى تمام. و بالنسبة لسؤالك:

"قولينا ايه الحل فى المشكله دى لأننا كنا اربعه بس وذونا تلات صفحات جديده وفعلا انا لما حذفت لقيت شكل الصفحه بقى وحش بس هعمل ايه
طيب احسن لو عملنا صفحه للسهره مستقله فى القسم ده ويبقو جنب بعض وما نحذفش حاجه
ها ايه رأيكم يا بناااااااااات ها لازم نتفق بسرعه قبل الليل ما يبدأ"

يا جماعة مينفعش نعمل صفحة مخصوص للدردشة، لان المنتدى هنا مش موقع دردشة زي مصراوي تشات، مينفعش و اي منتدى بيلاقي الموضوعات قلبت دردشة خارج قسم الدردشة لو عندهم قسم مخصوص لكده بيقفلوه او يحذفوه، و عشان كده كانت النصيحة اننا نقلل شوية من الكلام ده و يبقى جزء من تبادل المعلومات اللي بنعمله زي ما كانت الاجزاء اللي فاتت قبل ما تزيد الدردشة و تكتر الخلافات. انا مش بأقول انكم متتكلموش لكن لازم نراعي قوانين المكان اللي احنا فيه و الحرية اللي المكان اعطاها لنا. صدقوني المنتدى هنا اعطانا حرية حرمتنا منها منتديات تانية حبيناها و اجتمعنا فيها نساعد بعض، و يمكن فيه مجموعة معينة هنا عارفة كلامي و فاهماه لاننا كلنا هاجرنا من منتدى لمنتدى بسببها. و طبعا الامر في الاول و الاخر ليكم لان الموضوع موضوعكم لكن انا حبيت افهمكم خلفية قوانين المنتديات و طرق ادارتها. فهمتيني يا حبيبتي؟؟

هدهودة، انا معاكي في كل كلمة قلتيها و أضيف عليكي اننا حابين الروح الاجتماعية دي و هي كانت موجودة طوال الاجزاء اللي فاتت لكن عمرها يا جماعة ما كانت حوارات تشات بس بالشكل ده، و كانت الواحدة فينا بتقول كل كلامها و ردها عالكل في رد واحد مش عشر ردود يملوا صفحة لوحدهم و مفيش فيهم حاجة لها دخل بعنوان الموضوع الاساسي او حتى اسم الركن ساعدوني

كمان فيه حاجة مهمة مينفعش يا قمرات اننا نعمل موضوع للاسئلة و موضوع للدردشة لان ده شئ مش موجود في اي منتدى غير زي ما قلت لو المنتدى فيه ركن للدردشة او قسم ملحق بركن بيكون للدردشة، و انا اعتقد كلام مروة و كلام كل اللي علقوا على الاجتماعيات لم يكن ابدا يعني ان كل واحدة تدخل الموضوع من غير نفس و تروح رامية معلومة و تطلع. أبدا أبدا محدش يقصد كده لاننا من البداية خاااااالص لما الموضوع بدأ من شهور، كان الاسلوب اننا بندخل نسال بعض في كل حاجة تخص اللبس و البيت و العلاقات الاجتماعية و الماكياج و الجهاز للعروسة و الحجاب و الاقمشة و الاجهزة، و كنا دايما بيننا روح المحبة و التعاون و دايما كانت لينا تعليقاتنا المرحة الظريفة وسط الكلام و عمرنا ما كنا متجهمين و لا عاقدين حواجبنا و احنا بنتكلم. و كنا بننتبه لكل اللي بيدخل يسأل سؤال و نرد عليه او على الاقل واحدة من بين كل عشرة كانت بتلاحظ السؤال و ترد يا بالاجابة يا تقول مش عارفة بس الباقيين حيردوا لو يعرفوا عشان محدش يفتكر اننا مطنشين.

يعني انا شخصيا مع اللمة و الصحبة الحلوة و الاجتماعيات مش عيب لانها جزء لا يتجزأ من حياتنا، لكن الردود الخاصة او الجانبية او اللي ممكن تتقال عالمسنجر او في رسالة خاصة يا ريت نسيبها لمكانها. مش معقولة مثلا اكتب رسالة لدون و اجي اكتبلها هنا سطر و اقول دون شيكي عالخاص!!! طيب ما هي لما تفتح حتشوف الخاص و حتعرف اني كتبت لها، صح؟؟ كمان مش معقول يبقى الموضوع اننا بس قاعدين ننادي اللي صاحي و اللي نايم يا جماعة الكلام ده مينفعش في أي منتدى و اذا كانت أختنا حب الرمان فتحت لنا الموضوع يبقى احنا كمان نراعيها و نراعي قوانين المنتدى لاننا كده مش ماشيين على أي قوانين خالص. يبقى الحل مش اننا نكتب و نحذف لان ده مش سليم و حيتعب المشرفة و الحل مش اننا نفتح موضوع أسئلة و موضوع دردشة لان مفيش مسميات بالشكل ده. الحل اننا نرجع زي الاول، بندخل نرد على اسئلة بعض و كلام بعض اللي في المعقول، مش صباح الخير، صباح النور و نقول ده رد. عشان كلنا نقدر نرجه نشارك و نتابع معاكم زي الاول و أكتر >>>>> قلبت على هشام عباس!!

و زي ما انتم شايفين المشكلة مش فيا و لا في مروة و لا تماتيا زي ما ناس كانت متخيلة، المشكلة بتقابل بنات كتير حبوا الصفحة دي و شاركوا فيها و اتعلقوا بيها و باللي فيها و مش عارفين يرجعوا لانهم باختصار ملهمش مكان، الكلام بيضيع في الوسط و على رأي هدى حتى السؤال اللي في بال الواحد بيضيع و مش بيعرف يحطه. يعني يا بنات الحكاية مش حكاية جبهات أو أضداد او أي شئ مشابه

فهمتوني يا حبايبي؟؟ يا رب تكون الفكرة وصلت المرة دي

سمكة يا منورانا، ابل ريقك انا برد؟؟؟ ياللا يا ستي فووووووووووووووووق

سندريلا و الينورا متزعلوش نفسكم اللي جم في التمانينات مرتكبوش غير غلطة واحدة بس!!!!! عارفين هي ايه؟؟؟؟ انتم جيل النت الخالص >>>>>>>> سامعة يا أحلام عصفور؟؟؟؟

ياللا بقى فتكم بخير

أريد فتيات مصر جميعا في مهمه عاجله

كنت أريد أن أرسل كريم معين الي الامارت
ولقد طلب مني 20 عبوه من الكريم الكريم عباره عن انبوبه
ولكن عندما ذهبت لأرسله طردا قالوا لي أحضري ورقه من الجمارك وورقه من الشركه المنتجه لهذا الدواء للسماح لك بإرسال الطرد
السؤال إذا كنت أريد شحنه هل معنى هذا اني سوف أقوم بإحضار نفس الاوراق أم ماذا
أفيدوني جزاكم الله خيرا

انا مش متابعة قوى موضوع الصفحات اللى عايزين تقسموها دى بس شوفو هتعملو ايه وعرفونى عشان مبقاش تايهة فى وسطكم

السلام عليكم و رحمة الله و بركاته

أحلام عصفور يا ريتني كنت اعرف بس بجد أنا مفهمش في كلام الجمارك ده بس أكيد الناس اللي عندها خبرة حترد عليكي ان شاء الله. بس يمكن لان الكمية بالنسبة لهم كبيرة يعني 20 عبوة فهمه بيحسبوها على انها للمتاجرة و بيعاملوها على الاساس ده و الله أعلم