أزيكو يا حلوين
فى تطورات من الصبح
أنا باقول نعمل موضوع للأجتماعيات والحكايات وموضوع للطلبات والأسئلة
وحلو خالص أقتراح أننا نجمع الأيميلات كلها
يابنات مش مهم أحنا بنختلف فى أيه المهم أزاى نتفق ونفضل دايما متفقين والقلوب على بعضها
وعايزة أسألكو على حاجة
فى واحدة تعرف محفظة قرآن عشانى شخصيا يعنى سواء ممكن تيجى البيت أو نتقابل فى مسجد أى كان
ممكن ممكن؟؟؟؟

سندريللا يا بنتى الله يهديكى
صلى ع النبى
فيه فرق بين القرية والضاحية
بقوللك ايه
انا عاوزة انام
هو انا حسيب النوم واقعد اشرحلك جغرافيا
على فكرة انا كنت ادبى
المهم والله ما تماحيك ده انتى باين اللى بتتمحكى وعاوزة تتخانقى مع عباس وخلاص
عموما مفيش داعى للنكد استمتعى بفترة الدلع دى ومتعكريهاش
ماشى اتفقنا مفيش نكد واللا ايه ....
مش عاوزة عباس يشتكى منك ...
لسه بدرى ع النكد يا ماما...
ماشى يا كوكو
تصبحى على خير
احلام سعيدة لك ولكل من بالمنتدى

السلام عليكم
منمن مادام انت موجودة قولى لى على محلات حلوة فى اسكندريه للعبايات بس عبايات عليها القيمه وكمان عايزة محلات ملابس اطفال خناشير "اهو داخله عايزة طلب تبع اللوائح"

اهلا يا مشمش منورة
بصى فيه محل فى رشدى على طريق الحرية جنب محل لندن وفيه عبايات تحفة
كمان فيه محلات للعبايات جوه جرين بلازا تحفة ...
كمان فى محطة الرمل محل جديد فى اول صفية زغلول بس مش فاكرة اسمه ..

اطفال خناشير؟؟؟ يعنى كبار شوية
محطة الرمل مليانة وكمان جرين بلازا ورشدى شارع سوريا

لا يا منمن يعنى صبيان خناشير عندهم سنه مش بنوتات مدلعين الواحد يلبسهم بمزاج