يلا يا سندريلا و اميرة ام العيال ما سهرتوش لية ؟؟؟ دى السهرة كانت جميلة و عوزاكم :icon28:

صباح الخير
على فكرة انا عندى رأى انه حذف المشاركات ده بيخلى الناس مش متابعه وبالتالى الصفحة شويه شويه بتقتصر على ناس والباقى لا ولو ملاحظين الصفحة فعلا عماله تفضى
نيجى نشارك فى ايه واحنا مش عارفين بتتكلمو عن ايه
ليانا اكرم شوفى نقدر نساعدك بايه وانا اول من معاكى وتحت امرك

السلام عليكم ورحمة الله وبركاته
ازيكم جميعا وحشتونى جداااااااااااااااااااا
وسعيدة انى رجعت تانى بعد ويك اند طويل3 ايام وان شاء الله هاقرا الردود اللى فاتتنى واشارك معاكم
اولا اتاسف لانى قطعت كلامى فجأة عن الازهر لان جالى شغل مهم وجريت من امام الكمبيوتر فقلت ارسل اللىكتبته وبعدين اكمل
ثانياهاحاول ارد عليكى يا roshana على قد مااقدر واكمل كلامى

بصى يا ستى انافاشلة شوية فى الاماكن دى بسرحت مع ماما وهى اللى كانت عارفة كل حاجة وممكن اسالها لك وارد عليكى بكرة
انا لمارحت ركبت تاكسىكدة من تحت كوبرى ناحية العتبة وشارع عبد العزيز بينادى ويقول انه رايح الازهر والحسين نزلنامنه بعد حوالى 5 دقايق عند اخر شارع الازهر
هو اسمه شارع الازهر ده على الصف اللى برة فيه قماشات ستائر وتنجيد انتريهات وصالونات وكمان اقمشة ملايات وكلها تهبل والاسعار متفاوتة جدا حسبالنوع لكن هما تجار جملة والاسعار مش بيتفاصل فيها كتير
بس احسن محل فيهم محل جملة كبير اسمه "فانتكس" عنوانه بالضبط 91 شارع الازهر ومعايا نمرة تليفونه على الكارت.
بصراحة المحل ده بعد لف اكتر من 6 ساعات لقيت اللى عنده مش عند اى حد واسعاره نهائية والجملة مش بيفرق عن القطاعى غيرحوالى جنيه او اتنين فى المتر وعنده قماشة تحفة كنت هاتجنن عليهاعاملة ذى حاجة ماردينى وبنصف التمن

بعد كدة دخلنا فى الشوارع الداخلية منطقة اسمها تقريبا الحمزاوى فى ناس بتبيع اطقم ملايات واقمشة ستائر واقمشة عادية وفى الجملة فقط وفى الجملة وقطاعى بس اذواق مش اد كدة
المحلات الكبيرة اللى برة على الشارع احسن

بس بقة بالنسبة لاطقم الملايات الفخمة بجد والفوط والمفارش والبطاطين وغيره دى بقة فى منطقة الازهر اللى من ناحية الحسين اللى بتقولى عليها ياroshana

انا كنت نزلت لوحدى فى عيد الام المنطقة اشترى طقم ملايات شيك لحماتى

نزلت عند مشيخة الازهر ومشيت وراها لحد الحسين وبعدين طلعت من شارع الحسين على منطقة الازهر طبعا كانت علقة بس انا كنت سعيدة لانى اول مرة امشى فىالشوارع دى لوحدى
لو عاوزة توصلى للناس المتخصصة دى يبقى تسالى على محلات "عوف بتاع الاقمشة "(لان فى عوف تانى فى الحسين بيبيع ملابس رجالى واختكم اتخمت ومشيت لحد عنده وطلع بعيددددددددد) لانها مشهورة جدا فى المنطقة دى بس هتلاقى المحلات بقة جنب بعضها فى شارع ضييييييق ما تخافيش منه كنت فاكرة فيه عفاريت لكن طلع مافيش. ههههههههه

انا بصراحة لسة ما اشترتش لانى كنت نازلة اخد فكرة بس واشوف فى حاجة هتعجبنى فى المنطقة دى ولا لأ وهانزل قريب ان شاء الله ولما اشترى هاقول لكم اخر الاخبار

معلهش دوشتكم
بس ياريت تجاوبونى اللى يقدر يدينى فكرة سريعة كدة عن سوق التلات فين، عنده حاجات كويسة، فيه فصال، الخ
وسلام :)

اه
بالنسبة للستائر الاورجانزا مش لقيتها فى شارع الازهر ولافى المنطقة دى غير عند واحد بس اسمه محل سنجرفى اول شارع الازهر يعنى لو بداتى من عند محل فانتكس يبقى هتمشىحوالى ربع ساعة لحد محل سنجر وهو محل مشهور جدا لانى قديم جدا فى المنطقة بس ماعندوش تشكيلة كبيرة بس اللى عنده عجبونى جداااااااا

الف شكر يا رواء الاسلام على المواقع
ممتازة جدا واللى بالانجليزية واضحين جدا
جزاكى الله كل خير