mona_abdelaziz :

اهلا بيكى يا هبهوب وبكل بنات مصر الحلوين ( والمدامات كمان ) اهلا يا اليانور منورة .. على فكرة اسمك عاجبنى بيفكرنى بالفيلم بتاع كاترين زيتاجونز ( the hounted ) ياترى شفتيه .. المهم انا متابعة الصفحة من زمان ومتابعة موضوعك ربنا معاكى وصدقينى الحب حلو .. حلو اوى اوى بس كله بالعقللللللللللللللل وربنا معاكى ... هبهوووووووووووووووووووووووووووووووووووووووووب اسمعى يا ستى .. اول سؤال كان على محل الصينى المفرد فعلا فيه فى المنشية بصى تمشى فى ش سعد زغلول كانك رايحة المنشية يعنى ماشية من محطة الرمل للمنشية وتيجى عند محل باركى للنظارات وهو على ناصية تحودى يمين عند الناصية دى تدخلى وحتلاقى محل تحف صينى وبعدها حتلاقى محل الصينى وعنده حاجات تحفة فعلا انا اشتريت منه انا وصاحبتى حاجات ليها جميلة ... كمان فيه محل انا اشتريت منه شخصيا اطباق تجنن شكلها تحفة وكمان بتدخل الفرن لانها بورسلين المحل ده يا ستى فى سيدى جابر ع البحر جنب البنزينة وجنب كافيتريا سيلور .. ولو الوصفات عصلجت معاكى كلمينى ع الموبايل على طول حنقذك .... بالنسبة لاماكن الشرا والفسح بصى فيه اماكن غالية واماكن نص نص واماكن رخيصة عاوزة الغالى طبعا عندك مول زهران فى سموحة وعندك مول الوطنية فى ش شعراوى وشارع شعراوى كله فى لوران اذواق ايه تحفة وعندك كمان جرين بلازا وعندك طبعا شارع سوريا وكفر عبده كلها محلات راقية وخصوصا شارع خليل الخياط كمان فيه فى سابا باشا جنب قسم الرمل حتبتدى من تاتو لحد فريد مرورا بجينا وجويا وسكالا ومحلات كتير كلها جنب بعض واخدة من سابا باشا لزيزينيا صف واحد .... ولو عاوزة شوزز تدخلى الشارع اللى على ناصيته تاتو جنب قسم الرمل فى سابا باشا وحتعجبك الاذواق انشاءالله... عندك اماكن اسعارها ارخص شوية ومش بطالة الابراهيمية طبعا ومحطة الرمل دول حتلاقى فيهم الغالى والرخيص والاختيار ليكى ....... بالنسبة للسمك بصى يا ستى فعلا فى العجمى بيعتبروا كل الناس سواح طالما تقدرى تنزلى المنشية يبقى ممكن تجيبى من سوق راتب فعلا وده فى اول شارع النصر وممكن طبعا تروحى حلقة السمك فى الانفوشى جنب القلعة وممكن تنزلى سوق شيديا فى الابراهيمية وده سوق وطنى ميه ميه يعنى محدش بيروحه غير اهل البلد يعنى محدش حيفتكرك سايحة ( وبمناسبة سايحة دى مرة اتخانقت مع سواق تاكسى كنت رايحة سوق قماش فى محطة مصر والمشوار من جليم لمحطة مصر مش اكتر من 5-6 جنيه مثلا المهم هو خد 10 فزعقتله وقلتله هو انت فاكرنى سايحة فقاللى لا ياختى مجمدة ) ما علينا ... هاه عاوزة تعرفى ايه تانى ا بس متتوقعيش الرد بسرعة لانى لازم اقوم اطبخ يا قمر باى مؤقتا................... اه صح اماكن الفسح استنى شوية راجعالك ونكمل بقى ... بالنسبة لاماكن الفسح عندك المولات كلها ياستى وخط البحر كله بلاجات وكافيهات تقدرى تستمتعى فيها والقلعة والانفوشى ومحطة الرمل فسحة على شراوالنوادى اللى ع البحر ( انا شخصيا مدمنة نادى المهندسين ) والمعمورة والمنتزه ... ولو افتكرت حاجة تانية حبقى اقولهالك .. سلام

اهلا بيكى يا هبهوب وبكل بنات مصر الحلوين ( والمدامات كمان ) اهلا يا اليانور منورة .. على...