بشكر كل اللى ردو عليا اذا كان من امهاتنا المتزوجات
او المتزوجات اخواتنا عشان مكبرش وحدة صغيرة
وبشكر كل البنات اللى فى مرحلتى واللى ادى
وانا عمرى ما هقف ادام بابا وماما
بس انا لوحدى مفيش حد معايا خالص والمراحل اللى مرت بيها كهرمانة انا بمر بيها دلوقتى وعمرى ما هعمل حاجة تزعل ربى واهلى منى وعمرى مابشد معاهم فى الكلام بس هما عايزين يعيشو حياتهم وحياتى انا كمان يعنى هما ماشافوش كانو اية قبل ما يبقوا كدة دلوقتى
احنا ماتولدناش عندنا كمبيوتر والعسالة الاتوماتيك والدش
هما بصين للمستوى بتاعنا والناس هتقول اية وواخدة مين ومستواة اية وشبكتها بكام كل دة
يبقى مي اللى هيعيش انا ولا هما
وبعدين هو اكبر منى واتخرج فى نفس دفعتى ومنزلش فى اى سنة غير سنة وحدة بس والسنيين التانية تأجيل بسبب مامتة كانت مريضة الله يرحمها ودة دليل ان اهلة بيعاملهم كويس لانة هو كان شايل مسؤلية مامتة فى مرضها كان مرض صعب الله يرحمها
وبالنسبة لمرتبة وشغلة هو يقدر يأجر ويصرف عليا وعايز الفرصة من بابا انة يوافق وقالى انا اى كلمة هتتقال لباباكى انا ملتزم بيها
وانا قلت لبابا جرب فى ظرف سنة معملش اللى ملتزم بية انا بنفسى اللى هفسخ الخطوبة قالى لا وتتحسب خطوبة ومش عارف اية
ايه رأيكم

كهرمانة
ما تقولى خل التفاح ده هتشربيه ولا تدهنيه ولا ايه بالضبط

بسم الله الرحمن الرحيم

حبيبتى اليانور مادام انتى شايفه ان اهلك مبالغين وانه يقدر يوفرلك الحد الادنى يبقى استخيرى وتوكلى على الله بس المره دى من غير تسرع يعنى يبتدى يشوف على الاقل الشقه وربنا يكرمكوا ان شاء الله ويختارلك الخير ويبعد عنك الشر ان شاء الله ويا ريت كل ليله تصلى استخاره ومع كل صلاه صلى السنه بنيتين نية السنه ونية صلاة الحاجه واطلبى من ربنا يوفقك ويختارلك الاصلح وطمنينا عليكى يا قمر

سماح

بسم الله الرحمن الرحيم

لا يا حبيبة زوجها خل التفاح بيدهن بيه كل يوم ومابيسيبش لا ريحه ولا لون ولا حاجه خالص وبيشد فعلا

سماح

شكرا سمسمة على الرد