صباح الخير
ازيكم ياجماعة عاملين اية يارب تكونو بخير
يامشمشة اة سبب الرفض الشقة وانة لسة فى البداية

ازيكم جميعا
وحشنى جدا
امبارح ماعرفتش ادخل علشان النت كانت فاصلة طول اليوم
المهم
بصى يا هبة
انا معاكى فى كل كلامك كلمة كلمة وفعلا ماحدش يقدر نعمة الاب واهمية وجوده فى الموضوع ده بالذات غير اللى فقده
وانا ذيك برده
بس اكتر حاجة باحمد ربنا عليها كل يوم ان بابا اختارلى عريسى حبيبى قبل الوفاة بساعات!!!!
ايوة والله بساعات رحمة الله عليه الف مرة
وانتم فاكرين ايه
انا فعلا دلوقتى دايبة فى حبيبى دوب وممكن اموت نفسى علشانه وبادعى ليل نهار ان ربنا يخليه ليه
لكن مش هتصدقوا انا ولا كنت اعرفه اصلا وهو حتى لما اتقدم لبابا ماحولش ياخد رايى قبلها لأ كان مهم عنده رأى بابا الاول وبعدين خلى اخويه وبابا يسالونى وكدة يعنى
وبابا الله يرحمه كان اهم حاجة عنده رايى وكان بيحبه جدا جدا (لانه ابن عمى) بس قال له لو بنتى مش موافقة عمرى حتى ما هاحاول اقنعها بيك لو انت عاوز تقنعا انت حر
المهم رغيت كتير
بس كنت عاوزة اقول انى اختارته بعقلى تماماااااااااااااااااااااااااااااا ولم يكن الحب اتولد بعد
واللى خلانى احبه بعد كدة بجنون انه فعلا انسان صالح وممتاز وكل ما اكتشف عظمة اخلاقه وروعه نفسه احبه اكتر ومش بابص لاى حاجة تانية خالص
يعنى انا بحبه بقلبى وعقلى لكن فعلا الاهم العقل لان فعلا ذى ما انتى بتقولى يا هبة اى لحظة غضب او ذهق هاتخليكى تنسى كل الحب والرومانسية وتفكرى بعقلانية
ولو الموضوع موضوع شكليات يا الينور يبقى سوررررررررررى انا اول واحدة طلعت عينى سنين علشان اقنع من حولى ان ده كله كلام فارغ واهم حاجة الرجل الصالح
وهبة عبد العظيم وسماح وسندريلا وكهرمانة كلامهم حكم
يا جماعة مش هاوصيكوا قولوا الله اكبر على حبيب هدهدة
وادعو لى اكمل مع حبيبى على خير ان شاء الله

انا سعيدة بانضمامك للستة المحبين يا la rosa وعلى فكرة بقة
طنط don بتضحك علينا وانا متاكدة انها اول واحدة فى الليست

انا سعيدة انكم بتأخدوا حقنا من طنط don
انت بتخوفوينا كدة ليها
عقبال ما نشوف بنتك طبة. ههههههههههههه

elianora
يا بنتى لسة ماشلتيش الولد المنهار ده

حرام عليكى يا طنط don
هتفضحى المصريين فى الخليج كله!!!!
احنا بنشتغل بهمة ايوة. عندك مانع. انا بقة متاكدة ان مافيش حد بيشتغل قدى!!!!
بس لما بيفرسونى باقول اخد رست واهدى نفسى مع اصحابى الحلوين