ربنا يتقبل منك يا سمكة انتى ومشمش

مشمشة أهلا بيكى نورتى من جديد

تسلمى يا أحلام عصفور ويا رب ينولك مرادك

وبقول لكل الأخوات الغايبين كفاية غياب بقى كلنا بنناديكم وبقولكم

بصى يا كهرمانة
مش عيب انك تصالحى زوجك ولا انك تعمليها حكايه كرامة اهم حاجة زى سمكه ما قالت لك انكم ماتناموش وانتم زعلانين مع بعض وبعدين انت لما هتيجى تصالحيه مرة اكيد هو المرة اللى بعدها "بعد الشر ميكونش فى مرات تانيه" هو اكيد اللى هيصالحك وبعدين ليه من الاصل تتخانقوا وتتخاصموا وانت كل واحد منكم فى بلد هه؟ امال لما تبقوا مع بعض فى بلد واحد هتقطعوا بعض ....شكلك مفتريه يا كهرمانة زيى بس انا بحب اتخانق معاه علشان يصالحنى ويتحايل عليه وادبسه فى هديه او خروجة اتصالح فيها
هقوم اصلى الفجر وبعدين اشوف هرجع ولا انام

ما شاء الله عليكم
انا مش بلحق ارد عليكوا عشان كل لما اقفل الكمبيوتر وافتحه الاقى الموضوع زاد 10 صفحات على الاقل
انا اصلى مش بقدر افتح الكمبيوتر كتير اليومين دول من بنتى وشغل البيت والغدا وخلافه

ام باسل
ربنا يكرمك ويجزيك خير عن نصايحك الحلوة

larose
انا قريت انك عاملة تلخيص للاجزاء اللى فاتت ممكن تبعتهولى لو سمحتى

أحلام عصفور
حلوة التمارين دى جدا
وخصوصا للستات بعد الولادة
انا نفسي اواظب عليها بس بنتى مابتدنيش فرصة اعمل اى حاجة

شكلك تعبتى وانتى عمالة تدورى على الاسامى المشتركة عشان تكتبيها كلها ومتنيش حد ويزعل
ربنا يكون فى عونك
بس ماتنيش تنادى على اسمك انتى برضه :)

mishmish
جميلة اوى حركات الورد والقلوب اللى فى ردك
انا بحب الحركات الفنية دى جدا


كهرمانة12
ماتضايقيش نفسك كلنا بتعدى علينا لحظات زى دى
بس مامتبقاش حقيقة
كل الموضوع ان معظم الرجالة لما بيبقوا متضايقين مايبقوش طايقين حد يكلمهم ولا يجى جنبهم
ولو حد كلمهم ممكن يتنرفزوا زيادة ويقولوا كلام يضايق بس مش حقيقى
من راى احسن شيء لما تحسي انه مضايق اابعدى عنه شوية لحد لما يهدا
وبعدين بالراحة كده تحاوليه تشوفى ايه اللى كان مضايقه او تصالحيه لو كان الموضوع بينكم
ف عادى جدا لا تولعى فى نفسك ولا حاجة يا ما بيحصل وكله بيعدى ان شاء الله
وترجع الامور عادى جدا وكأن شيأ لم يكن
المهم ماتبينيش انك زعلانة منه لانة فى الحالة دى كلميه عادى خالص وبهدوء وبالراحة
وربنا يهدى النفوس ويصلح لكم الحال ان شاء الله
والله أعلم برضه نشوف رأى باقى الاخوات


كهرمانة
انبسطت جدا اول ما قريت كلامك بس اتضايقت فى اخرة
خناقة ليه بس ربنا مايجيب خناقات
بجد لو ليكى اتصال بيهم سلميلى على مروة وتماتيا كتييييييييييييييييييييييييييررررررررررررررررررر
اوىىىىىىىىىىىىىىىىىىىىىىىىىىىىىى
وقوليلهم يرجعوا لموضوعهم بقى وكفاية تقل
خلاص عرفنا غلاوتهم عندنا

rhoma
برضه حركات فنية وكده
:) جميلة جدا
مش قادرة ااقولكوا الحاجات دى بتعجبنى قد ايه
انا كنت خبيرة فيها على فكرة بس ايام الروقات قبل ما اتلخم بالجواز والبيت وبنوتى
ربنا يسها وارجعلها تانى ان شاء الله
اما الامور تستقر شوية

يبقى عرفنا كهرمانه ماسكة منطقة مدينة نصر واليانورا ماسكة منطقة الزيتون وهبه عبد العظيم الوحشة اللى غايبة وانا زعلانه منها ماسكة الشيخ زايد وانا اللى ييجى اول مصر الجديده او حلمية الزيتون هيلاقينى واقفاله لابسه ابيض فى ابيض وماسكاله ورده
كهرمانه متزعليش يا قمر هو كده كل فترة لازم تدبى خناقة محترمة ماهى مش هتمشى حب وروقان على طول بس بتعدى وببتنسى متشيليش هم اكتر من اللازم وكله بيعدى
احنا بنتخانق ونقعد نشيل فى نفسنا ونقول ده قال كذا كان قصده ايه وازاى قدر يقولى كذا لكن هما بيرمو الكلام اللى بيجى على بالهم لحظة انفعال وبينسو بعدها ولو بعدين لاقاكى فاكرة الكلام ده يقولك انتى قلبك اسود ده انا نسيت
يعنى اقصد انهم بيرمو كلام لحظة غضب لكن مش قاصدين معناه الحرفى وبينسو على طول
نصيحه متسيبيش مواضيع وزعل متعلق بينكم وصفى اول بأول عشان تفضل نفوسكم صافية مع بعض وبعدين الرجالة اطفااااااال ميغركيش يعملك راجل ده طفل ممكن تكسبيه بكلمة او حركة صغيرة
تماتيا ومروة وشيرى وهبة مش تظهرو بقى