new mummy
هلا بك .. انا من مانشستر بس حاليا في السعودية... اذا ماتعرفتي على احد مالك الا اجتماع النادي
السعودي اكيد فيه في العيد .. واساسا مع هالبرد وين ممكن الواحد يروح.. اهم شي اذا عندك اطفال فرحيهم شوي
واشتري لهم لعب ولا لعبيهم في اي مكان
على فكرة وين سكنتوا ..؟؟ اي حي


ساره الحلوة
الله وياك يارب توصلون بالسلامة<< بدري شكلها بين احضان امها الحين :22:

ميشو
مرررررررره حلو شكل الصابونه .. سبحان الله هالمحل يعجبني واشتري منه احيانا بس ما استخدمها
ما استخدمت الا صابونة العسل تذكرينها الي شريتوها انتي وام صوصو وانا معكم :icon33:
رررررروعة صراحة اذا باقي ما استخدمتيها استخدميها



الا كيف البنات كلهم؟؟؟ بتجتمعون في العيد ولالا؟؟

حلو البنات
هلا وغلا والله بالاسترالية
والله سبحان الله انا اساسا كارهه استراليا مادخلت مزاجي مررررره
اتوقع سياحة ممكن لكن سكن ووووووع الله لا يحدنا بس
الله يعينك من جد بريطانيا احلى مافيها القرررررررررب وحياك معانا اي وقت


ايثارلي
هلا والله انا الحمدلله تماااااااام
بس وينك يادبا؟؟ اذكرك قريب قلتي انا في السعودية ما امداك :mad:
<< شوفوا مين يتكلم
حياك الله ولا عاد تقطعين بعدين تجين تغبرررررررين علينا ترا فيه ناس عندهم ربوو :22:


قمر الربيع
وحشتش؟ مايوحشش غالي انتي وحشتينيش اكثر << ابو التحشيش خخخ
كيف يارا .. ومدينتك الجديدة تأقلمتي؟؟ وترا حتى حنا في مانشستر عندنا الدويرا الكبيرة ذي مو بس انتوا :22:

بس من جد انك خكرية الكوفي سوا فيك كذاا؟؟ بسم الله عليك .. شكلك ماتنامين زين
عاد تصدقين انا عكسك اذا ماشربت كوفي يجيني صداع وحالة خخخخخ

الا وش تطلبين من كوستا كم مره اقول اجربه بس اخاف مايعجبني تعودت على ستاربكس وطلب معين للشتاء وطلب معين للصيف خخخخ ما اغير ولا امخمخ الا عليه لي 7 سنوات تقريبا وانا اطلب نفس الطلبات ولا مليت
بس ودي اجرب كوستا


الباقي كيفكم.... هل من جديد

صباح الخيرات

اخباركم وش مسوين مع هالبرد

والله اني خست في هالشقة انا وعيالي مليييييييييييييييييييييييت ومع ذلك اشيل هم الطلعة مررة

صار لي امس موقف الله لايوريكم

الصبح عيالي نايمين ورجلي قاعد يذاكر وانا منسدحة في الصالة على الكنبة مادريت الا اسمع صوت خبطة قوية

يوم فتحت عيوني الا ذاك الرجال متلثم قدامي وطاب علينا في البلكونة بغيت اموت من الخوف قمت اصارخ يمة رجال

المشكلة اننا في الدور الرابع يعني وشلون طلع لين بلكونتنا

ومن الذكاء وش سويت تغطيت بالشرشف وجا رجلي من الصراخ يوم ناظر لينه من حقين الصيانة والنظافة في الحي متحمسين عشان

الكرسمس وجالس ينظف باب البلكونة القزاز والشبابيك وطالع بالرافعة والله اني عصبت قلت خير ان شاء الله

المفروض يستأذنون قبل ولا يعطونا خبر والله اني قمت ادعي اقول ان شاء الله يجي مطر ويخرب عليهم من الروعة الي جتني

هلا هلا



بام كرشة


اقولك انا احب كوستا اكثر احس موكتهم غيييييييييييييييير


انتي وش طلب الشتاء حقك؟؟؟؟؟؟ خليني اقلدك







شهد :hahaha::hahaha::hahaha:



وش ذا الموقف الزفت من جد ماله داعي

المفروض يستأذنون


بس يالله عدت على خير


صيانه ولا حرامي

حرامي ولا مجرم<<<<<<<<<<<< تحمست:D

ايه والله ياقمر الربيع صيانة ولاحرامي

الله يحفظنا بس

بنات عندي سؤالين مهم تجاوبوني عليها بلييييييييييييز

رجلي راح للكونسيل عشان يتفاهم معاهم على التاكس وقالو له بنسوي زيارة لك خلال 4 اسابيع

والحين مر اسبوعين ما جاو وانا كل يوم حاطة يدي على قلبي اخاف يجون وش اسوي فيه وحدة منكم قد زاروها

وش يسوون وش يسألونك عنه والادهى اني خايفة يجون ورجلي في المعهد وش السواة تكفون وهل فيه احتمال انهم مايجون

انا قلت لرجلي ماراح افتح الباب اذا انت مو فيه وش رايكم يابنات


وسؤالي الثاني

هل تعرفون سواق عربي هنا في لندن ضرووووري تكفون

قمر الربيع
انا اطلب عادة من ستاربكس white chocolate mocha


واذا مافيه وهذا نااااااااااااااااادر كراميا مكياتو

لذيذة مره بس بعضهم ماتعجبهم خاصة الوايت شوكلت لانه حالي حبتين بس حلاته احس ما في كوفي كثير


شهد
ليش يجون؟؟ المفروض زوجك يقولهم انه طالب
الحمدلله ماقد جونا بس اذكر وحده من البنات تقول جا جقق معاها هي
ومره حنا ارسلوا لنا قالوا بنجي نشيل عفشكم خخخخخخخخخخخخ يقولون مادفعتوا
وحنا كنا تونا ساكنين الله يااااااااااااخذهم
زوجي عطا الرسالة المكتب وقالوا خلاص حنا بنتصرف واشوى الحمدلله
بس من جد قعدت ايام اوسوس لا يجون يفتحون فجأة ويقتحمون ويشيلون عفش الشقة ليته لنا بعد :angry: