رهوفة :

أم دحومي الله يجزاك خير ويسهل امورك دايم تفزعين لي الله يفرج عليك كل ضيق بسألك ياقلبي غسالتك كان عليها مزاد؟ لأنا كنا بنشتري من اي بي تخيلي مابقى الا اربع ثواني قالوا راحت عليك احسهم نصابين لا ويبيعون بأسعار غريبة بعضها غااااالي وبعضها رخييييص اشك في مصداقيتهم .. شرايك فيهم التوتة الحمرا مشكورة حبيبتي ماهمني لو يبقى نقط موية اهم شيء تريحني من الغسيل وبخصوص الصور الي تحطينها بالمرفقات ماطلع لي ولا صورة استغرب البنات شلون يشوفونها .. وورق العنب ماشاء الله عليك الله يزيدك ويقويك ,, شهيتيني بورق عنب اما القهوة حقة نسكافيه كيف طعمها ؟ حلو ؟ شهيتيني مع ان عندي قهوة من السعودية ساره الحلوة الله يحفظكم ويردكم سالمين لوجى77 الله يعينك سمعت انه لازم الشغالة تكون لها سنة تحت كفالتكم الشوق كلها ذوق مشكورة على صور المطعم ,, بصراحة مانظمن نظافتهم ,, الغربة خلتني اتعود على اكل البيت غصب ,, الله يردنا سالمين غانمين .. د.نوال** حياك الله ,, كيف بنتك عساها اشوى .. بخصوص العطر ماعندي فكرة .. ماجربتي تدورين بموقع asos شريت من عندهم اغراض والحمدلله عجبتني بس تأخروا علينا بالتوصيل ماجابوه لين ارسلنا لهم مسج ,, مع انا دافعين مبلغ زيادة عشان توصلنا ثاني يوم .. ولا بعد غلطوا اعطونا مناكير ماطلبناها والي طلبناه ماجابوه ,, بس اشوى قالوا رجعوه مو مشكلة ...عجبني هالموقع أسعد بنت بالعالم .. تصدقين انا مثلك مليت ابي اشوف تلفزيون واستمتع واسمع التكبير ,, نزلت البرنامج حق سامي سوفت ,, والله ماعنده سالفة مافيه الا اربع او خمس قنوات تفتح , واجنبية والعربية الي نبيها مالقينا شيء كلها يقول متوقف ,, رجعت على موقع fomny والله مهوب شين ,, توني فاتحة على المجد يكبرون ... ريفان 2008 تتهنين بأغراضك ان شاء الله .. ماشاء الله حلوة .. بخصوص مكنستك الله يعينك ,, انا مكنستي النوع الواقف مو الي لها لي .. بسألك ياقلبي وش الدش الي عندكم ؟ وهل فيه قناة بداية ؟ rwaan ياعمري الله يعينك ,, والله انا مثلك طول الوقت ابكي مدري شفيني اعوذ بالله ,, ضايق صدري مرررررررة الله يعينا على هالغربة .. ايثارلي الحمدلله على سلامتكم .. وكل سنة وانت طيبة ان شاء الله .. فاتوما ياعمري ,, الله يعينك ويجمعك بزوجك قريب .. بالنسبة لي جيت مع زوجي على طول وعشنا التجربة سوا ,, بس زين سويتوا انك مارحتي معه من البداية عشان ماتتمرمطون مثلنا ... قمر الربيع .. سلامتك وش سالفة الموكا لا يكون عليها شيء .. اما السناك كيف ,, طعمه حلو ؟ انا عندي شوكولا اسدا السائلة ,, محتارة وش اسوي بها .. وبخصوص ريحة الكشنة ,, ياختي انا مثلك والله ريحة البيت كله ,, لا واذا جينا ننام الا ريحة غرفة النوم كأني طوني طابخة المشكلة ان غرفة النوم ابعد غرفة عن المطبخ ,, عند باب الشقة ,, بس سبحان الله .. شكل مراوحهم صرفية كهرب على الفاضي .. بس انا صرت اسوي كمية بصل كبيرة للحمس واحطه بالثلاجة يكفي عشرة ايام او اسبوع والله اريح من اول ,, مو كل يوم اقطع بصل ,, سويها اريح لك ,, والطماطم افرميه وحطيه في اكياس بالفريزر احفظ له عشان مايخرب واسرع لك .. aroojah23 عجبني الموقع ,, ياختي اسعارهم رخيصة مرة غريبة ,, اخاف تكون تقليد ,؟ لأني سويت مقارنة بين عطر كنزو عندهم وعند دبنهامز طلع حقهم لونه غريب شكله مضروب ياختي ؟؟ انت مجربة هالموقع ؟ حلو البنات حياك الله بينا ,, بالعكس احمدي ربك انك باستراليا .. الطبيعة خيالية والشعب راقي ومحترم ,, مو مثل هنا والجو بارد ومعتدل ,, هنا بارد طول السنة ,, حتى لو الطيارة تطولون فيها تهون تتعبون كم يوم بس ترتاحون فترة اقامتكم اهناك ان شاء الله هذا اهم شيء ,, احنا كانت بعثتنا المفترض على استراليا بس سبحان الله بآخر لحظة تحولت لبريطانيا ,, والله قهر ,, بس يارب الدكتوراه تكون باستراليا مع انهم موقفين الابتعاث للدكتوراه بس الله يسهل وعلى فكرة الطيارة احنا قالوا لنا متصلة الرحلة بس كذابين ودونا للدمام وبعدها على لندن قعدنا تسع ساعات بالطيارة وتعذروا منا وقالوا تأخرنا وما ادري ايش ,, بس يالقعدة متعبة بشكل الله يهنيكم ياقلبي ويعينا وياكم على غربتنا أم هنو ياعمري للحين ماراحت الكرشة؟ الله يعينك ويهون عليك أما ستار بوكس ,, ما عجبني ابببد مرة شريت من عندهم موكا وقسم بالله ياطعم الموكا الي بالبيت انها احسن منها ,, لا وبدون رغوة حسبي الله عليهم للحين بقلبي ,, اخذت فكرة سيئة عنهم ,, شهــد يوووه بسم الله عليكم من هالروعة حسبي الله عليهم كان نبهوكم ,, والله ماتنلامين ,, وبخصوص الخياس انت وعيالك بالبيت ,, انا مثلك والله خست انا وولدي , وطفشنا من بعض طول الوقت يبكي يبي ناس يشوفهم وانا اقوله حتى انا طفشانة مثلك بس وش نسوي نخاف من البرد ,, والحين الويك اند انواع قلة الحيا والسكارى برا .. وبخصوص التاكس ,, ارسلوا لنا يطلبونا وباقي زوجي مافضى يرد عليهم ,, اعوذ بالله يامال الضعفة الي تضعفهم ,, كل شيء عليه ضريبة .. الله يردنا لبلدنا سالمين يارب اكيد جتك المدرسة اليوم .. هاه وش قدمتي لها وكيف كان شرحها ,, معك احد يدرس ولا انت بلحالك وكم سعرها الله لا يهينك ... غريبة في ويلز ,, كل عام وانت بخير ,, حلوة الصورة تسلمين اختي مالقينا اسم الله يهون عليك اختي .. ماعندي فكرة بصراحة تونااا الله يعطيك العافية ,, على الشرح ,, كنت افكر اقول شلون بنتكلم بالماسنجر يعني بضيف البنات واحدة وحدة عندي ,, طلع الموضوع اسهل من كذا ,, الله يجزاك خير ,, برسل لك ايميلي احساس آخر حياك الله اختي .. شهيتيني مرة بهالصورة ,, شكل الحلا حلو ,, وش اسم هالمطعم بجد ؟ كوستا ؟ هندي ولا وش سالفته .. وش عجبكم عنده وكيف اسعاره .. ودي نطلع يوم العيد وبخصوص النادي ببرايتون ماعندنا نادي خرطي ,, ومانظموا لنا شيء ابد ,, زوجي متابع بالمسجد يقول مافيه شيء ,, شلكهم مسوين احزاب لأنا نسمع ان فيه اعضاء نادي بس تجمعون لحالهم واحنا لنا الله .. hsamo هلا اختي ,, ان شاء الله اقابلك بالمسجد انا وولدي ,, ودي اشوفك واتعرف عليك انت وش ناوية تلبسين لون العباية والغطاء وكلش,, انا محتارة اسود ولا بني ,, والساعة كم صلاة العيد ؟ وبعدين وشو مسجد المدينة ؟ انا بصلي ان شاء الله بس مدري وش اسم المسجد:( انت قد رحتي للمسجد قبل كذا ؟

أم دحومي الله يجزاك خير ويسهل امورك دايم تفزعين لي الله يفرج عليك كل ضيق بسألك ياقلبي غسالتك...

hsamo :

رهف والله مابعد قررت وش البس مشتهيه الكحلية ولابعد غسلتها،،والموف ويبي لها كوي معفوسة من يوم ماوصلت بريطانيا،،والبنية كئيييييييييييييييييييييييية ولو لبستها منيب متغطية عناد تطلع وجهي اسود وانا منيب ناقصة سواد،، المهم انتي قرري وعلميني بس اللثمة اكيد موف او كحلي او اسود,,والله مدري بس ولدي بلبسه،،امممممممممم حتى هو مابعد قررت ماعنده لبس شتوي سنع بس اكيد اكيد بتعرفين جكيته الازرق اللي قد حطينه قبل بيصير عليه بس اخاف افصخه بالمسجد بس دوري وحدة شلقة قمر ووليد مملوح هذي انا،،واذا قررت بالضبط وش ابلبس علمتك وهذا غير وارد لاني صاحبة اللحظة الاخيرة،،، علميني عنك انتي؟؟؟عساك احسن مني بالقرارات:35:

رهف والله مابعد قررت وش البس مشتهيه الكحلية ولابعد غسلتها،،والموف ويبي لها كوي معفوسة من يوم...

التوته حمرا :

رهوفه غريبه كل الصور مو طالعه ولاكيف يعني ماشفتي ورق العنب والباقي ولا كيف والقهوه طعمها حلوه انا افضلها على القهوه العاديه والناس اذواق وطمنوني الصور طالعه ولا لالاني حملتها مره ثانيه:06:

رهوفه غريبه كل الصور مو طالعه ولاكيف يعني ماشفتي ورق العنب والباقي ولا كيف والقهوه طعمها حلوه...