هسامو ..

ياحبي لك ,, على هالرد الطويل والعريض يا اختي ماني متخيلة
انك انت الي قابلتك اليوم ,, نفسك الي تكتبين بالمنتدى ,, والله ماصدقت يوم شفتك
احس جتني الضحكة مرررررررررررررة ,, لا وامد لك يدي ولا تشوفيني اقوم السلام عليكم
شكلك ماتسمعيني ,, بالاخير اقول ام ........... وتطالعيني ياحبي لك


الله يوفقك ,,


بخصوص ردك الطويل الازرق والله عجبني وصادقة نقدر نكسبهم بدون مانقلقهم
بدينا ,, واحدة امس تبيع بالسوق واحنا نشتري الاغراض يوم جينا نحاسب قالت
وش عندكم تشترون انتوا تحتفلون بالكرسمس قلنا لها لا مانحتفل فيه بس عندنا
احنا احتفال بكرة ,, قالت وش المناسبة قلنا عيدنا بكرة قالت اهااااااااا وسكتت


أما ذا الي قعد يشفط منهم الله يهديه ما ادري عن حكم هالشيء
بس الغش حرام والرسول صلى الله عليه وسلم يقول من غشنا فليس منا
مدري شلون طاوعه قلبه يسوي كذا ,, الله المستعان



بس لا مانع ننصحهم ونهدي لهم كتيبات صغيرة تعريفية عن الاسلام ...

والله يحفظنا وياكم من شر هالكفرة ...







الله يحفظك وكل عام وانت بخير ,,,

أنا شلت معي عطر ومكياج والحمدلله ماصار شيء ولا دققوا بالتفتيش ترى الخطوط السعودية
مايدققون مرة , البلا لاجيتي من بريطانيا مطارهم هو البلشة ,, والله يعينك توصلون بالسلامة
ان شاء الله ...






مشكورة حبيبة ,, وياحليلها الفنزويلية الله يثبتها على الدين ,,



الله يعطيك العافية ,, ليت احد علمني عن هالطريقة انا فاجأت ولدي بتغيير الحليب باسبوع\
مرتين ياعمري وكان يبكي بكاء فضيع ,, واتذكر مرة علمت البنات هنا ان ولدي قعد على
يدي اربع ساعات والله مانزلته يبكي بكاء فضيع ,, وابوه يقول سكتيه وانا ما ادري وش فيه
الظاهر الحليب يوم غيرته كان السبب ,, ياعمري عليه وانا اقول غازات ومغص ...






ياعمري الله يعينك ,,,

اذا تبغين يضيفونك الاخوات معنا في قروب بنات بريطانيا راسلي شمالية أو تونااا






ياعمري عليهم ,, رحمتك ورحمتهم
الله يعينك ويقرفهم هالكفرة فعلا مايتروشون وقسم شيء يقررررررررف
مدري ماتحكهم اجسامهم وشعورهم وعععععععععععع

روحي للصيدلية واطلبي دواء القمل وبيعطونك ,, والي اعرف ان القمل
مو بس ينتقلون من الشعر للشعر ,, ترى يناقزون مناقز على الفرش
والصوف .... يبغى لك بين كل فتر ة والثانية تشيكين عليهم ,,






مشكورة اختي , انت جربتيه؟




الله يعين ياشيخة وكل عام وانت بخير
على الاقل انت شفتي الخطبة ,, انا ماشفتها ؟؟؟

بدورها بالنت وودي استانس ,, عساه السديس الي خطب اليوم ؟






تسلم عيونك يارب
على فكرة وش ارد واقول لا قلتي قرت عينك ؟





هلا والله قمر ....

كل عام وانت بخير ,,

والف مبروك لم شملك انت وريفان ,,,


أنا بعد التميت مع سوووومة الله يوفقها ويسعدها ,, عسل ياناس ..
ليتني متعرفة عليها من زمان ,,,,


ولا والله ماسويت كبدة ولا شيء ,, وذبيحتنا موصين عليها بالسعودية
حتى العريكة كنت بسوي فرحانة يوم جاء امس بالليل واجي اجهز
المقادير الا الدقيق البر مخلص مابقى الا كاس ومن الذهانة اروح احط
عليه دقيق ذرة قلت يمكن يضبط ليتني حاطة دقيق ابيض ابرك
وانحاست وعيت تتماسك الخبزة طلعت لينة مررررررررررة
اشوى ماسويت سمن ولا كان انقهرت ,, حسافة
كنت مبرمجة نفسي اني اسويها واحس بالعيد كأني مع اهلي
لا المشكلة اني اقوله لزوجي اشغلته وبالاخير افطرنا على فول ,, الحمدلله
نعععععععمة الله يديمها .....

هلا بنات كل عام وانتم بخير
رهوفه بالنسبه للون الاخضر دايما يكون مصاحبه برد <<<<<<دهني بطنه واسفل رجوله بفكس او زيت زيتون ودفيه زين

وانت بصحة وسلامة ...

مشكورة ياقلبي ,, لا تقولين من جد والله ؟؟
ياعمري ياوليدي والله من جيت هنا وهو اخضر نادر يكون اصفر .. اجل على طول بردان ؟؟

انا البسه بربتوز واحد وافرول قطني واحد والبيت فيه دفايات بس بصراحة انا وانا كبيرة احس
ببرودة ياعمري عليه اكيد انه يبررررررررد الله يجزاك خير ياقلبي

رهوفه

كقاعده .. اذا انتي تدفين بلبس طبقتين من الملابس زيدي لولدك طبقه .. هذا في البرد

اما في الصيف فعدد مساوي من الطبقات :)

ودائما شيكي ظهره وبطنه علشان تعرفين دافى او لا

ما يشوف شر

رهوفة تعالي هنا،،ليش جتك الضحكة؟؟هاه؟؟:angry2: قالوا لك مهرج؟؟خخخخخخخخ

وبعدين والله مادريت انك سلمتي ولا شي بس سمعتك تقولين ام...يوم ركزت<<<ترا ماهناش دايم معي وشه بالاماكن العامة وخبرك ولدي كملها،، تدرين وهم يقولون امين الجماعة وانا نسيت اني اصلي قلت اشششششششششششششششش،،امحق صلاة استغفر الله والله مدري وش قلت،،بس اهم شي الخطبة وكشخة اخر وحدة طلعت حتى جا الامام فتح لي الباب،، بغيت اقوله من وين البخور والعود يالأخو،،

طيب وش دعوى رجعتوا البيت؟؟؟ وفول بعد كا تغديتوا برا
فيه محل فوق بالسنتر اسمه spudulike
وهذا رابطهمhttp://www.spudulike.co.uk/food/index.htm

هذولا عندهم بطاطس محشي اشكال وانواع اتوقع قد وحدة تكلمت عنه هنا بس اليوم اول يوم اجربه وطلبت اللي حشوتها جمبري خيااااااااااااااااااال )Prawn(
بس فيه وحده طلبها زوجي:eek: الله يديم النعمة من وين هالاختيار مدري
المهم انتي وذوقك بس لازم العيد تطلعون برا البيت:angry2:<<<وش دخلها عصبت

ايه معصبة اصلا من قلتي غير المنتدى وجتك الضحكة وكملتيها بعد بالفول،،،،،،خخخخخخخخخخخخخخخخخخخخ