أم دحومي الحلو :

وعليكم السلام ورحمة الله الله يسهل أمورك الإقتراحات كثيرة وشوفي منها اللي يناسبك طبعاً أكيد صعبة تتركين ولدك حنا عايشين رغم ان الحياة غالية بس الحمدلله تقدرين تعيشين ببساطة وتدبرين أمورك طبعاً خذي ولدك .. إلا إذا كنتي تقدرين تتركينه 5 شهور وترجعين تاخذينه هو والشغالة أو تجيبينه وأول خمس شهور تحطينه في حضانة الجامعة مثلاً الملحفية تدفع جزء منها وان شاء الله تجي الشغالة بعدين بس مرة صعب تدرسون لغة وماجستير ثنينكم ومعكم ولدكم بدون شغالة أو تضمنون له حضانة مناسبة شيء ثاني لو تنسقين أنت وزوجك بما انك انت المبتعثة تبدين قبله وهو الفترة الأولى يصير يمسك الولد لين تجي الشغالة ان شاء الله ويبدأ بعدك ويسجل الماجستير في الفترة اللي بعدك مايضير زود كم شهر وقبل كل شيء لازم تستخيرون الله يكتب لكم كل مافيه الخير :)

وعليكم السلام ورحمة الله الله يسهل أمورك الإقتراحات كثيرة وشوفي منها اللي يناسبك طبعاً أكيد...

حبيبه :

رهوفه انا ما اشتريت من الاي بي الا عربية ولدي وكانت جديده ومن خارج بريطانييييييا ويوصلونها لحد الباب بس طولت يمكن جلست 20 يوم اروووجه نزلي مشترياتك دايما تعجبني اغراضك ما شاء الله والشئ بالشئ يذكر من فتره نزلتي مكياج بروزني من بوتس وكانت الصور مو كلها مفتوحه عندي بأسألك وش فيها بالضبط العلبه ؟؟ لاني تحمست لها مررره .

رهوفه انا ما اشتريت من الاي بي الا عربية ولدي وكانت جديده ومن خارج بريطانييييييا ويوصلونها لحد...

Dowain :

حمد الله على سلامتك يا د.نوال سلمي على السعوديه مثل ما قالت روض الفل صعب تلقين حضانه لعمر بنتك ..الحضانات تاخذ من عمر ثلاث شهور و بالتاكيد غاليه و مو كثيره و عاده لها قائمة انتظار ...تلقين حضانات اكثر تاخذ من ست شهور...لان اجازة الامومه في بريطانيا عاده ست شهور. ما اعرف عن شفيلد بس جربي هذا الموقع يبحث لك عن الحضانات في المدينه اللي تبينها و في بعد النساء اللي يهتمون بالاطفال في بيتهم و مرخصين من البلديه child minders هذول ارخص..ما لك الا تبحثين او تاجلين دراستك كم شهر...الله يسهل امورك http://www.childcarelink.gov.uk/ http://schoolsfinder.direct.gov.uk/

حمد الله على سلامتك يا د.نوال سلمي على السعوديه مثل ما قالت روض الفل صعب تلقين حضانه...