بنــــــــــــــات انا تطلقت.....

بدي احكي قصتي من البداية
ارجوكم تحملوني......
انا الي 17 سنة متزوجة
اول 3سنوات تطلقت مرتين من حماتي....الله يسامحها
بعدما طلعنا عن العائلة وسكنا لوحدنا....كنا جالسين بالبيت انا وزوجي وابني الكبير خالد ...كان بالاول الابتدائي....
حوالي 20 رجل من كبار العائلة والجيران دخلوا علينا البيت
وكان بينهم اخو زوجي الكبير
فطلبوا من زوجي اخراجي من البيت حتى لا اسمع ما يقال...
رفض زوجي بحجة انه ما بيخبي علية شيئ
كل شيئ بيقولوا الي
المهم عبرت المطبخ والفضول جعلني اتصنت عليهم
وسمعت منهم انه في بنت حامل
مش عارفين من زوجي ولا من الرجل التاني
واهل البنت بدهم يزوجوا بنتهم لزوجي حتى يستروا عليها
المهم تزوجها الرجل التاني بعد ما ابن الحرام زوجي دفع اله فلوس


انا انصدمت زعقت وهللت كتير اهله طلبوا منى السكوت
لانه ما بدهم فضايح وخصوصا انه اخوه شيخ
وما صدقوا انه ابنهم يعمل هيك
المهم سكروا عالموضوع
ومرت السنين وانا عارفة انه زوجي بيخوني لكن ما في دليل
وما انا قادرة اواجهه حتى ما يطلقني واخسر اولادي كرمال واحد نذل كزوجي
وصبرت وتحملت المر عشان اولادي



اولادي كبروا وصاروا يفهموا
ويسمعوا ابوهم عالجوال بيكلم بنات وانا اقولهم ما تخبروني
قولوا حسبنا الله ونعم الوكيل

المهم...قبل سنتين اجوا ناس سكنوا في الشقة يلي فوقنا
وللحظ طلعوا مراقبين من الشرطة وزوجي ما بيعرف
وكانت بينهم وبين المغضوب عليه زوجي علاقة زنا والعياذ بالله
اجت الشرطة اعتقلوهم واعتقلوا زوجي وانا خارج البيت....


كل يلي بيصير وانا اخر من يعلم
اتصلت على اهله ما حدا خبرني ليش اعتقلوه


بعد اسبوع رحت لاخوه الشيخ وحلفته بالله يقولي ليش اعتقلو زوجي
خبرني انه له علاقات زنا ولواط وحشيش ومخدرات




والعياذ بالله



حسبنا الله ونعم الوكيل

المهم سكرنا عالموضوع كالعادة وخفنا من الفضايح
واهله كالعادة طلبوا مني ما اخبر احد


وكنت متاكدة انه بيخوني ورغم هيك ما اقول غير حسبيالله ونعم الوكيل


اول رمضان شبكت النت لاولادي بما انه اولادي مراهقين
نزلت برنامج

<<<<تجسس عالنت>>> زي ما بيقولوا
وصرت اعرف كل شيءبيصير من وراي
فوجئت انه بينفتح على افلام سكس

صار الاتهام لزوجي لاني عارفه
وهنا انكر واتهم اولادي
ولكني راقبت مجددا وتاكدت من الساعة....... كانت الواحدة نصف الليل
وواجهته وانكر ويومها ضربني وضرب ابني لاني ركبت البرنامج
وصرت اقرا عالبرنامج مع من يتكلم ومن يراسل عالايميل كتير حاجات....
وما خفي كان اعظم
وبين الكلام عرفت انه كان بيعطيهم فلوس وبيرسل الهم كروت جوال ليكلم البنات


قبل عشرة ايام كنت بالمطبخ فجاء واخبرني انه ضاع منه الف دينار ونصف
شهقت شهقة مصدومة
واكمل كلامه انه قبلها ضاع منه 600 دولار

انا انصدمت وقلت مش معقول...لانه ما انهزت اله شعرة وهو بيخبرني


وهنا المصيبة اتهمني انا واولاد بالسرقة
فقلت اله....روح شوف انت وين وديتهم وما شرحت شيئ


مر علينا 4 ايام ما كلمنا بعض



بالاخر رحت وكلمته وتصالحنا
واخذت بنتي الصغيرة ورحت ازور اهله

هون عمى<<<حماي>>> بيسالني شو يلي بيني وبين زوجي
قلت ولا شيء ما في بينا مشاكل الحمد لله
سالني ليش زوجك متصل على اخوه وقال انه بدو يطلقك ويتزوج غيرك



سيبته وقمت ورجعت على بيتنا
وبلبيت كتبت اله رساله معاتبة عالجوال
هيك يا ابو خالد تقول عني انا شو عملت لتقول انك بدك تطلقني وتتزوج غيري
قبل ما ارسل الرسالة اجى ابني خالد

فاتح عالنت وقال ...يمة تعالي عندي شوي

رحت وهون كانت المفاجاة...انه دخل على ايميل ابوه على اساس انه ابني بنت اسم دلعها هدهد
وبيحكوا باللكلام يلي بيحبه كل سافل زي زوجي


اتصلت عليه اساله وين انت وانا متاكدة انه بكفي النت
هون بيقولي انا مع الملايكة
رديت عليه ..طيب سلام عليكم..خلي الملايكة ينفعوك وسكرت الجوال
وهون رجعت للرسالة وكملتها


انت يا ابو خالد عملت السبعة وذمتها وانا صبرت عليك عالاقل انا مش خاينة مثلك
وبتسلم عليك فلانة وفلانة وفلانة



البنات يلي كان يكلمهم عالنت
وارسلت الرسالة
طلع ابني زي المجنون من البيت اول ما عرف انه ابوه بدو يطلقني ويتزوج غيري
وكان العصر زوجي مخبر ابني نفس الشيئ
بس ابني ما حب يقولي حتى ما ازعل


فجاة اتصل ابي وسالني شو القصة وما خبرته
واخبرني انه زوجي اتصل عليه وقال اني باقوله يا زاني يا سراق

المهم ابي طلب مني ما اكلمه وهم تاني يوم بدهم يجوا يشوفوا شو المشكلة
وافقت




دخل البيت كان مولع زوجي وقعد يزعق علية
قلت خلي الكلام لبكرة
وبين الكلام قال انا معي فلوس كتير

و100 بنت بتركع تحت رجليه
قلت انا مش منهم
هدول زانيات وبيحبن الحرام مثلك
وهنا طلب مني اطلع من البيت في الليل لوحدي
انا رفضت وقلت ما بالطلع غير مطلقة
ورمى يمين الطلاق وكسر بخاطر اولادي الله يكسر بخاطره



اتصلت على اخوتي يجوا ياخدوني حتى ما يرميني برة
واجوا اخوتي وروحت
وانا هلا عند اهلي

ادعولي يا بنات الله ينتقم من زوجي بصحته وماله
اانا اتصلت على اخوه ياخد البنت عندهلانه زوجي مش امين على البنت
كل يلي بيتاعطوا المخدرات والحشيش ما عندهم امان



حسبنا الله ونعم الوكيل عليه وعلى كل الخون




ادعولي الله يلم شملي باولادي
انا احتاج لدعائكم الان



اعذروني للاطالة
اختكم المجروحة ا....ام خالد