أنتي كل مشكلتك تتلخص في ضيق المكان
إللي يصير لك في بيتك وبيت أهل زوجك وعند أمك
رسالة عشان تنتبهين وتوسعين على نفسك

وتغييربن حياتك وحياتك عيالك وحتى زوجك ,


أحيانا المشاكل تكون رسالة لنا عشان نتغيير.

يمكن ما بيدك أسباب مادية عشان تتوسع حياتك,
لكن بيدك تتوجهين لله وتطلبين منه الوسع ,


لا تقولين كيف ومتى , فقط أدعي و أطلبي
بقلب صادق والله بييسر الأمر من عنده.


الله يوفقك.

اعلمي انه مضغوط مثلك ...لكن صعب يجرح أهله ..سواء في الديرة أو في بيتكم حتى لو ما بين لك هالشي ..
مالك إلا الدعاء واحتساب الأجر والمحاولة فيه بالتدريج والهدوء وليت العيال إذا كبار شوي يقولون له نبي غرفة لالعابنا وملابسنا في بيت جدي ..
أستغرب في الناس اللي عادي عندهم يتسدحون في بيت أخوهم !!
بيوت أخواني ما عمرنا طلعنا من المجلس ولا سبق وشفنا بيتهم من داخل ونروح زيارة خفيفة ونرجع ..وزوجات أخواني مثل خواتي أحبهم من حب أخواني .

الله يفرج همك

شوفي انه يطرد خواته صعب حتى لو انه يعرف انك متضايقة إذا ماجت منهم.. لكن الحل في الحالة هذي انك تعتبري نفسك زيهم ضيفة وكلكم مستأجرين شقة مو ضيافة وشغل وكرف.. قولي لهم كل شي قدامكم وخذوا راحتكم وانت خذي راحتك وزيدي عليها كنك مسافرة يجيب زوجك من برا الاكل وانت بس قهوة وشاي وتتعاونون في كل شي.. لاترتبطين بهم إذا ماطلعو ا روحي تمشي انت واولادك..زوري اهلك قرايبك..

عزيزتي اكرام الضيف واجب ومن سابع المستحيلات نقول للضيف روح استأجر صعبه جدا وبذات لو اهله ولا اهلك
انا حاسه فيك ومريت في نفس وضعك ومتزوجه ١٠ سنين
اكرم ضيوفي واحتسب الاجر ع الله وان الضيف دخوله بركه في البيت
مااقولك اتعب واتضايق وابكي كمان بس ع سجادتي وادعي ربي ..
زوجي كان جداا متعلق بالسفر عند اهله وكل اسبوعين بحكم قرب المكان وانا اتضايق زيك غرفه ومابيني وبينهم حب وود ونطول عندهم
سبحانه مغير الاحوال صار زوجي مايحب اننا نسافر كثير
نجلس بالشهرين والثلاثه ونسافر جمعه وسبت ونرجع
عليكي بالدعاء وقيام الليل والله انها لاتخطي
لجأتي لكل الوسائل ونسيتي ان الله ينزل كل يوم للسماء الدنيا ليجيب دعوة المضطر
ادعي من كل قلبك واستغفري كثير
شوفي كيف ربي يغير حالك من حال الى حال..
وانتبهي عزيزتي تعيدي كلمة خلي اخواتك يستأجرو صدقيني اهانه لك ولشخصك وتربيتك قبل ماتكون لزوجك لآنها تعتبر طرده وهذا عيب وحرام في ديننا الاسلامي
غير ان زوجك بيكرهك وينفر منك ..
اتخيلي يقولك قولي لآهلك لايجو عندنا يستأجرو برا
اش بتكون ردة فعلك كره له .. نفور .. استحقار ..
قومي بالواجب واحتسبي ان الله لايضيع اجر المحسنين
وكلها يومين وتجي المدارس وبيسافرو .. وبيرجع روتينك وتتنظم حياتك