بنفجر من هالحبوب

بنفجر يابنات بموت من الهم تكفون ساعدوني والله العظيم اني بتجنن وماعندي احد اسولف معاه وافضفض له ويعطيني حل
فالبدايه بعطيكم نبذه عن حياتي انا متزوجه لي تقريبا ثلاث سنوات وعندي بنت زوجي طيب وحنون جدا لدرجه محد يخيلها بس عيبه وللأسف 😢 انه يستخدم كبتاجون اكتشفته فالبدايه وعصبت وزعلت جلس يبكي يقول انا مبتلى ساعديني اتركها ولاتتركيني قلت طيب بساعدك وفعلا تركها وارتحت لاكن لي فتره شاكه انه ياخذها ولقيتها في جيبه وصارت مشكله وقلت له خلاص طلقني ماعاد ابغاك قالي والله ماقدرت اتركها لي تسع سنوات مبتلي فيها وكل مره اخذها اندم بس ماقدر اتركها وانا اعرف ليه موقادر يتركها لان كل اللي حوله ياخذونها يعني محيطه فيه في كل مكان
انا ماأنكر انه حاول يتركها لدرجة يابنات انه ماصار يطلع من البيت نهائيا الا للصلاه او العمل
مع انه العمل هو المصيبه لانها هناك بكثره بحكم انه عملهم استلامات توصل ٢٤ ساعه
قلت لزوجي روح مستشفى الامل ورفض يقول اخاف على عملي هو عسكري
بنات انا قريت عن هالحبوب قريت انه مستخدمها يصير عصبي ويضرب وممكن يقتل ويشك في كل شي بس كل هذي الصفات موفي زوجي
زوجي بس سهر وبعده نوم يوصل ل٢٤ ساعه

هو يقول انا ماأخذها كثير ماني مدمن عليها مره
بنات بتجنن ماني عارفه وش اسوي اكمل معاه ولا اروح واطلب الطلاق
احس فقدت الرحه والثقه