بنوتااااااااات الكويت بليز

اهلا عزيزتي
ذكرتيني بحالي قبل كم شهر طرحت نفس الموضوع
كنت حامل بالتاسع.....واجتني اجوبة مختلفة
وصدقت من قالت اتكلي على ربك
صحيح اني ولدت بالخاص
بس.....كانوا مو زينين معي
وكما قالتلي طبيبة المستوصف
الولاده ما يبيلها خاص وعام
الولادة انتي وحظك تكون طبيبتك ممتازة.....سواء بالعام او بالخاص
يعني احيانا تروحي خاص تطلع طبيبتك تمام ونفس الشي بالعام
او بالخاص تكون زفت والعام كمان
بس بصراحة الهادي والسلام يقصون فلوس ويستعجلون بالقيصريه
بعد ما يكونوا اعطوكي طول الحمل حبوب تنفخك وتنفخ الطفل
ثم يقولولك قيصرية........ويستعجلون
الشفا .......كان زين الحين صايرين كلش بس يطولون بالهم افضل من الثانين
انا هذولا اللي جربتهم .......ما احب اتكلم على اللي ما اعرفه من المستشفيات
الولاده اذا عندك دكتورة افضلهم كلهم.......بس واسطة او انتي وحظك
الله يقومك بالسلامة طبعا كل اللي قلناه بعد الاتكال على الله والمشي

مشكوره وما قصرتي اختي < ضوء القمر>

والله يجزاج خير


بس جد انا محتاره وخايفه موووووت بس صحيح الكل يقول الام الولاده وحده بس انا ابي الاهتمام يعني مو تكون نفسيتي زفت ويزيدونها علي :(

اشكرج مره ثانيه


ويا ليت بنات المنتدى يعطوني رايهم بعد



انا بانتظاركم


باي

اختي العزيزه

بالنسبه لتجربتي فانا ولدت ولادتي الاولي في مستشفي الجهراء الحكومي وعاملوني معامله ممتازه اعطوني ابر منومه عشان تخفف الطلق واشياء تانيه وكمان اهتمام من قبل الطبيب وانا الحين في شهري التاسع وانشاء الله ولادتي رح تكون في مستشفي الولاده الي هيا مستشفي الصباح يقولوا ممتازه والله يسهل لك ويقومك بالسلامه وما في داعي للخوف بس المستشفيات الخاصه يستعجلوا علي القيصريه وفتح البطن ما يخلوكي براحتك عشان تولدي طبيعي بعكس المستشفيات الحكوميه والله يعينك

مشكوره اختي مروه


يعني تنصحيني بمستشفى الجهراء؟؟؟؟؟؟؟؟




طيب منو احسن دكتور فيهاااااااا ؟؟؟؟


ويستحسن دكتوره :)


اذا ما عليج امرررر

والله يجزاج خير

السلام عليكم ورحمة الله وبركاته :

ادعوا المولى العزيز أن تولدى وتقومين انت والبيبى بالسلامة انشاء الله تعالى .... وعن سؤالك اختى العزيزة .... باختصار .. يقول المثل :-

حط افلوسك بالشمس ... واجلس بالفـــي ..... يعنى مستشفى الهادى أو السلام كلهم فيهم اهتمام زايد بالمريضة .. هذا بالاضافة الى الراحة بعد الولادة وطبعا هذا أهم شئ بالنسبة للى تولد ...طبعا تكونين ضامنه الغرفة الخصوصى مع تواليتها ... والمولود يكون عندهم وما يزعجك ...

وكل شئ يا اختى الغالية له حسنات وسيئات .... والله هو الحافظ ... وهذى صفة من حسنات المستشفى الخاص .. أما السيئات انه المبالغة فى سعر الولادة أثناء القيصرية + فى بعض الحالات طبعا موكلهم يحولونها الى الحكومية .

واذا كنتى متيسرة الحال ولله الحمد وعندك وقت قبل الولادة ... اتكلى على الله الواحد أحد ... وروحى للخاص .. عندك مستشفى السلام .. الدكتورة فيجايا ... ومستشفى الهادى ..... الدكتورة لاكشمى والدكتورة بهتنـــى ... لإنى لا أفضل الا السيدات على الدكاترة الرجال

والحكومة عندك مستشفى الصباح بالدرجة الأولى ... بس انتى وحظك ... وجدتى الغرفة الخصوصى ولا لا ......

فى الختام ...... نصيحة : اقرئى فى كوب ماء سورة الزلزلة ....