السلام عليكم ...كيفكم بنات
انا مضغوطة بسبب تراكمات قاعده تحصل لي ...بحاول افصل في الموضوع عشان تفهموني...طيب
انا متزوجه واعاني من مشكلة في زوجي ... مايعترف بغيرتي عليه ... حطوا في بالكم اني اغار غيرة معتدلة يعني مو مجنونة على اي شيء ... اغير من اشياء انا اشوفها مالها داعي صدقوني يابنات اني فيني من الحكمة الشيء الكبير واحاول اطور ذاتي قدر مااقدر ...الا غيرتي والله ماابالغ اني احيان اشعر ان دمي شوي ويغلي في عروقي. اللي زعلني مره مره ان زوجي يغار عليه وانا اسمع كلامه واحترمه لان عندي اعتقاد راسخ ان الرجل اللي مايغار مافيه خير لاهله... لكن لمن انا اغار عليه يعصب علي ويوصلها للاعراض ... يعني يفكر اني اعتقد انه على علاقة خاااااااااصة مع حرمة لمن اقول ليش سويت كذا مع فلانه؟ ويقعد يقول انتي تبغين تسوين مشكلة لا وبعد يقول انتي ماتثقين فيه .... وووو الخ الخ
مثال:
مره قريبتنا احتاجت مساعدة في اوراق بحث ... تخيلوا ان ابوها اعطاه ايميلها وهو اضافها في الماسنجر، انا تضايقت مررره ...يابنات المشكلة تكمن ان زوجي مستغرب مره اني غرت عليه يقول ليش كل هذا؟ وصار يشوف ان ردة فعلي مبالغ فيها....اخر مره ابو البنت خلاها تكلمه بالجوال ... و زوجي يجي يقول لي كل شيء ..لمن زعلت قال زوجي ابوها طلب مني مساعدة وانا ماعندي استعداد اقول لا (طبعا مستعد للفزعااات بكل انواعها)...كل هذا كووووووووووم واتحمله عادي .... اللي يوجع القلب اني اتفقت مع زوجي ارسلها ايميل واعرض عليها اني انا اللي راح اخدمها وتبشر باي شيء .... وسحبت عليييييييييييه ماكني موجوده:mad:
المثال الثاني ... اخوان زوجي ماشاء الله كثير وكل سنتين واحد فيهم عليه الدور في الشغالة لامهم... الى الان الموضوع اوكي والدور على زوجي هالمره...القهر انه متساااااهل مع الشغالة ... وانا ماابغى ابين انزعاجي لاني اشوف مالي حق عشان هذي شغالة امه وامه انسانة قديرة في نظري وانا انسانة غير تصادمية ولااحب المشاكل ابد... والحق والمفروض اني اعدل من سلوك زوجي مو احط حرتي في شغالة ام زوجي... المواقف اللي قهرتني يابنات واكلتني في قلبي احكموا بس بالصدق:
مره جيت مجلس اهله كنت في الدور الثاني وكنت لابسه باطلع معاه وهم في الدور الاول الدور الخاص بامه راحوا كلهم لبيت سلفتي كان عندها عشاء وتفاجات ان الشغالة جالسة في طرف المجلس بعيدة عنه ومعاها جواله ... تكلم اهلها في اندونيسيا... وجهي تلووووووووووووون صار اسوووود ..كل الاثنين ساحبين عليه لاهي استاذنت ولا هو بلغني ومافي البيت الا هم الاثنين ..زوجي حس بردة الفعل مرسومة في وجهي حاولت انسحب بس هو خلاني موجود الين خلصت الشغالة المكالمة... لمن ناقشت الشغالة قالتي انك ماكنتي موجودة فوق في الدور الثاني وزوجي مايبغى يعترف انه اخطأ يقول انتي تفكرين ان بيننا شيء وقلب الطاولة عليه في النقاش وطلعني خطأ...اخذته بالهدوء وقلت هي مغتربة وتاركه اهلها هي تفهم هالتعاطف بشكل خطأ مارضي يستوعب ...وقعدت بحرقة قلبي.
المره الثانية جات تقول بابا ابغى 100 ريال وعلى طوووووول من الجيب قال خذي ... قلت له على الاقل اسالها ليش تبغاها وعشان ايش ومن بيشتري لها ...انت كفيلها لو تبغى شي ..توصيك وانت جيب ...وطبعا مايعجبه :09:كلامي
اخر شيء فقع قلبي وحسيت بقهر مره مره يمكن تشوفونه سخيف بس انا لاني بدات ادرك ان عند زوجي مشكلة في التعامل مع النساء .... كلمني الخميس اللي فات وقعدت اقول وين انت ؟ ..... قال انا في الصيدلية طلبت مني الشغالة شامبو بالاسم وطبعا انا انقهرت .... سلامات انا مااطلب الا شامبو القشرة وهذي صارت توصي بالاسم ... وقعد يدور له في الصيدليات وفي الاخير مالقي النوع اللي تبغاه:crap:
طبعا في النقاش قعد يقول هذي في ذمتي امانة وانتي حاطه نقرك من نقرها وتبغيني استعبدها الخ الخ ...
يابنات انا اقدر اكلم ام زوجي هي طيبه وتفهمني واخواته ... بس المشكلة ماهي فيهم المشكلة في زوجي ..مايفهم معنى غيره ... وهو طيب مره ....ولو في شيء اقوى انا ذكية والقطها على الطاير ... بس المشكلة انه اول مره يستقدم لان ماعندي اطفال ولا شغالة ..اخوانه لان عندهم اشوفهم حازمين شوي بس هو لا ....
ابطق قسم بالله ابغى حل بدون ماادخل احد كبير.... المشكلة انه مايستمع لي يقعد يرفع صوته وياكلني بقشوري ..بس ابغاه يقول لي انتي صادقة كل امراة تغار يتفهم مشاعري بس على الاقل يفهم اني انسان مو حجر... وحاولت اغير طريقة نقاشي معاه عشان انا ابغى حل ونقاش نافع مو بس جدال لكن مافي فايدة ...
اقول له لا تتكلم معاها خلها تكتب اغراضها في ورقة وتعطيها ام زوجي وتبشر يابنات انا اعرف انهم امانة بس انا انسانة ولازم يتحكم في تصرفاته عشاني .. وماقد فكرت اطلع مشاكلي خارجي ..احاول استنفذ الحلول بس شكلها مايبغالها الا رجااااااال تعبت منه
تخيلوا مره كنت حاطه كحل اخضر خفيف في السوق ومارضي يخليني امشي في السوق رجعني البيت والله كان الكحل خفيييييف بس شوفوا كيف ردة فعله وانا مايعطيني فرصة. :06:
اعطوني حل ..وتكفون ضايق خلقي ماابغى تجريح
فرررررحه @frrrrrhh
محررة
يلزم عليك تسجيل الدخول أولًا لكتابة تعليق.
يا حبيبتي تراها شغاله وامانه عندكم انتي بس حرصي عليه انك ما تتكلم معاها وانا مو موجوده وقولي حتى اذا طلبت منك شي وانا مو موجوده قولها كلمي مدام اللي هو انتي وعلى هذا كله كلمي الشغاله بعد قولي لها تبغين تكلمين جوال او تبغين اغراض كلميني انا وبس
الله يهديكم لبعض ان شالله
الله يهديكم لبعض ان شالله
الصفحة الأخيرة
الله هما انى استودعتك زوجى قلبه وتفكيره ويديه وقدميه وكل امره من كيد النساء والرجال وسوء الصحاب وان لاتجعل لهم منه لاحضا ولانصيبا سبحان الله اقول كل يوم وفعلا تغير يطلع من الباب معصب ويرجع بعدخمس دقائق انسان ثانى الدعاء ثم الدعاء ثم الدعاء