بنوتات بصراحة مين فيكم تخاف من المستشفى؟

السلام عليكم :

بنات أبغى تقولوا وبصراحة ما هو شعوركم عند دخولكم إلى بوابة المستشفى وهل تشعرون بالخوف أم بشعور عادي لأنه اطمئنان على صحتكم ؟

لا تقولون إحنا كبار ، أنا راح أضرب لكم مثل ، أنا مثلا منذ دخولي المستشفى وخاصة إذا كان في المسألة حشو أسنان أو تحليل دم فإنني أموت من الخوف وأحس بالضيق حتى ينتهي الأمر وعند خروجي من المستشفى أقرر عدم الرجوع إليه مهما كان ولكن للضرورة أحكامها

بتقولون اجل وش بتسوين لو نمت في المستشفى
وأنا بقول لكم وش صار لما تنومت في المستشفى :
من يوم دخلت وأنا خايفة ، وجت الممرضة و حطت علي الجلوكوز وشعرت بالدوخة (من الخوف طبعا) وكل ما دخلت علي ممرضة ومعها دواء أو إبرة أسألها وش ذا، تقول لي: دواء قال عنه الدكتور أو إبرة أمر فيها الدكتور ، وأنا مايعجبني هذا الجواب فأنا خائفة وقد سمعت قصص تخوف من هال أدوية والإبر وأنهم أحيانا يغلطون فيها ، صرت أسأل عن نوع الدواء واسم الدواء وأقول لهم أبي أكلم الدكتور ، فيقولون أنه غير موجود وأن وقت العيادة قد انتهى ، ولكن لما ضاقوا ذرعا مني مادريت إلا والدكتور يكلمني (وين كلامكم يا ممرضات
مافي موجود........عيادة خلاص........) المهم سألني عن سبب تضايق الممرضات مني فقلت له : يا دكتور هالأدوية والإبر وش سالفتها ومتى أتخلص منها ؟ فطمأنني أنهم يستخدمون لي مضاد حيوي ومسكنات للألم فقط وحالما أتحسن سيتوقفون عنها حالا .

بصراحة حسيت وقتها بالخجل وبأنني طفلة صغيرة خوافة وأخذت أسأل نفسي لماذا أحس بهذا الشعور ؟؟
وكيف أستطيع أن أغير من هذه العادات وأن أصبح مثل الناس !
مشكلتي أنني عارفة إيش المشكلة ولا أعرف كيف أحلها ، فهل أنتن كذلك؟ وما هو شعوركن في المستشفى وكمان اللي عندها موقف مثلي أو أحسن مني أو أسوأ تكتب عنه عشان أحس إن فيه حد مثلي .
مع تمنياتي لكن بدوام الصحة والعافية