بنوتات جده . اللي عندها فكره عن المدارس المطوره

السلام عليكم و رحمة الله و بركاته

كيفكم يا حلوات

ان شاء الله تمااام وكيف استعداداتكم للمدارس

يله احسن خلينا نقهر الجامعيات كانو فرحانين مابيدامو الا بعدنا باسبوع صار العكس

المهم اختكم في الله دوبها بدأت تفكر في المدارس ذوات النظام المطور (الجامعي)

وقريت تقريبا اغلب المواضيع المتحدثه عنها

واتحمست مرررررره وسويت رجه في البيت

ولكــــــن وآه من ولكــن !!

اكتشفت مؤخراً ان المدرستين اللتان كانتا في مخيخي واللتان تقطنان في نفس حيّنــا واحداهما القريبه جداً من مدرسة أخي وكل الصفات الحلوه فيها انهم نظام تطوير بتاع الملك عبدالله الله يحفظه مش المطوره النظام الجامعي

فالله اعلم يمكن يكون اكتشــــــــافي خاطئـاً لاني قريت في موقع التعليم الثنوي او مدري شسمو ان المدارس اللي طُبقت فيها النظام فقط 3 و المدرستين هذولي مو ضمنهم
فمن هنا اكتشفت ذلك

فقلت لازم يكون عندي امل يمكن ماجددوه او شئ لانها حقت عام 1428 - 1429

فاللي حابتو منكم انكم تبينولي

اللي عندها معلومه

المدرستين هما الخمسون بجده و السته و الثلاثون بجده وكلهم في حي النزهه

اما المدارس الثلاثه اللي مطبقه فيهم النظام مدرسة 18 عند جامعة الملك عبدالعزيز

والثانيه 27 في حي السلامه

والثالثه نسيتها المهم كلهم بعاد

اذا تعرفو مدارس نظام جامعي في جده قريب من النزهه يا ليت ماتبخلو علي

ايوا صح واللي تعرف شئ عن الـ50 او الـ36 كيف نظامهم لاني ماادري عنه الا انهم يشتغلو بلابتوبات يا ليت تقولي يمكن يعجبني

كثرت هرجه معليش سامحونا

ومشكورين