بنوتتك وش تلبسينها ذهب ولا اكسسوار

السلام عليكم حوائيات

أنا عندي بنوتتي وحيدتي وحبيبتي عمرها الحين سنتين بس هي من النوع اللي ما يخلي شي عليه لا بكل لا جزم والله يهديها بس
المهم طبعا ككل أم اشتهيت لها الذهب وبما انها صغيرة كافي لها اسورة وحلق ..الحلق توفقت فيه بفضل الله مؤخرا ولا جلست مدة بالحلق الطبي أبو 27 ريال اللي عند النهدي ;)لأني مالي حظ معاها في الاختيار إما يكون عصاته طويلة وتجرحها ..قصيته صارت تفكه وكل شوي وحنا مسوين حملة بحث عن الحلق والبريمة حقته ..بس الحمد لله شريت لها أسباني (صح غالي شوي) بس ما شاء الله ريحني .

الحين جينا يا طويلات العمر للإسورة شريت اللي توسع وتضيق وتعفطت لأنها تسحبها تحاول تفكها ..شريت بنجرة نعومة كأنها اسورة وبرضه مع النوم واللعب تعفطت (ماهي سميكة كفاية) الحين ابغى ابيعها واشتري لها شي ينفك وينصك بس احترت والله ان جبت شي ناعم مثل أساور فرفشة ما أظن تصبر عليها أكيد بتقطعها واللي سميكة سعرها يوصل الألفين أو حولها والمشكلة الموديلات الحلوة اللي تعجبني كلها عيار 18 يعني ادفع 2000 ولين جيت ابيع ما تجيب لي حتى ال 1000


بعد قصة حياتي هذه قلت خليني أسأل الحوائيات واستفيد من خبرتهم مع البنوتات ..انتم تلبسون بنوتاتكم ذهب ولا تكتفون بالاكسسوار؟
وإذا ذهب كيف اختياركم له واش تشترون بالضبط ..وإذا اكسسوار نفس الشي .


أتمنى التفاعل مع الموضوع خاصة اننا قربنا على العيد الله يبلغنا وياكم رمضان ويعينا على صيامه وقيامه