يالله حيهن يالله حيهن أسفرت وأنورت واستهلت وأمطرت ..
<~ ماسكة البخور وتهلي كح كح :hahaha:
أولا الحمد لله على سلامتي منذو مبطي ماسدحت موضوع لـآن يوزي كآن مخطوف وبغآ يروح علي :icon33:
بس الحمد لله رجع لي <~ صايره من غيره مثل البزر اللي مضيع امه :04:
المهم عندي موضوع كآن ودي أسدحه منذو مبطي بس الظروف وآآآآه يالظروووف :icon33:
أدري هذرتي ماتخلص لذا أبدأ الموضوع على بركة الله .,
<~ تحس نفسها بمجلس الشورى :hahaha:
..{ مشهد
ساره : ريم ريم عندي لك سالفه تعرفين فلآنه ..!
ريم : من فلآنه آل فلان مآغيرها
ساره : اي اي هي ماغيرها تدرين اكتشفت انها راعيه .... وفيها .... وفيها .....
ريم : ( ويدها على قلبها ) أمانه بذمتك بس انا أشوفها اخلاق وماشاء الله عليها ماشفت شي يعيبها !!
ساره : والله العظيم سامعه البنات يحكون عنها أكيد ممثله الاخلاق علينآ
ريم : ياآلله صدمتيني ماتوقعت يطلع منها كل هذا ..؟!!
ساره : إي خلاص خلاص ماعلينها منها الله يستر علينا وعليها امانه لاتخبرين احد ...!!
ريم : إي والله الله لايبلآنا لآ ش علي منها ..
وفي مكآن آخر ..
ريم : نور بقولك شي بس امانه لاتعلمين احد ..؟!!
نور : أفا عليك ياحبي شدعوى شآيفتني نقآله كلام ..
ريم : لا بس تعرفين اني اكتشفت ان فلانه آل فلان راعيه .. وفيها وفيها ..؟!
نور : جد كيف عرفتني ؟؟؟؟
ريم : البنات كلهم يحكون مو أنا لحالي ماسمعتيهم صايره بالحضيض ..؟
نور : لااااااا ونا أقول كل هذي اخلاق كنت شاكه فيها من زمان طلعت من بر الله الله ومن جوى يعلم الله ..!
ريم : يو خلاص فكينا من سيرتها الله يستر علينا وعليهآ ..؟!!
وكثرت الأمكنه والأشخاص إلآ المشهد كما هو لم يتغير ..؟!
آآآه يابنات ماتدرون شكثر آتألم لمن أسمع بعض البنات يتكلمون بأعراض الناس وأحيان يتفيرحون فيهم أستغفر الله
العلي العظيم ( لو كآنت بينهم عداوة طبعآ ) ..
من متى يابنات المشيه ولا اللبس هي المقياس لأخلآق البنت ..؟!
ولا دخولها لمنتدى أو موقع معين ..؟!
مو حرام ان حنا نقذف بنات خلق الله بأسوأ الأخلاق ونصفها بشي يمكن مايكون فيها ..
وحتى لو كان فيها مو يمكن تابت والله تاب عليها وهي عند الله أرفع منزلةَ منآ نحن ..؟!
وحتى لو ماكانت تابت مو الله أمر بالستر
والرسول صلى الله عليه وسلم قال {من ستر مسلماً ستره الله يوم القيامة}
نفسي أعرف شلون يهدى لها بآل اللي تمشي وتتكلم بأعراض الناس وتشوه سمعة البنت
وفالنهاية تدعي ربي يستر عليها بعد ايش يوم صارت سيرتها على كل لسان ..
ماتخاف ان البنت المظلومه ترفع يديها في جوف الليل وتقوول يااااااارب فلانه تكلمت
بعرضي وشوهت سمعتي بين الناس اللهم أني مظلومه فانتقم اللهم اني مظلومه فأنتقم اللهم اني تبت فأنتقم
أما تخافين من بطش الجبار وفيه ورد حديث عن الرسول صلى الله عليه وسلم يقول
( ثلاث دعوات مستجابات لا شك فيهن دعوة الوالد ودعوة المسافر ودعوة المظلوم )
يابنات انا ياوحده من اللي عانيت من هالموضوع مع انه ماكبر للحد هذا وكنت مظلومه بس
اقسم بالذي لا اله الا هو اني صرت أشوف عقوبة ربي فيها وفي عيالها ..
يابنات الموضوع خطير انا قريت حديث بما معناه ( ان من تتبع عورة المسلم تتبع الله عورته
ومن تتبع الله عورته , يفضحه ولو في جوف بيته )..
هذي أحاديث صريحة وواضحه لاتحتاج للنقاش ..
فياليت حتى لو جاتك رساله على البريد عنوانها فضيحه ياليت تحذفينها قبل لاتشوفينها
وتنصحين اللي أرسلها لك ترضين بيوم من الايام لاسمح الله يكون مكانك مكان هاللي
منتشر الايميل عنها وش راح تتمنين وقتها ..؟!!
وياليت لو سمعتي احد يتكلم بأعراض الناس تنصحينهم وتقولين بس هالجمله
الله يستر علينا وعليها أيا كانت حتى لو ماكنتي تعرفينها ..
آسفه يابنات على الإطآله بس كلام يقرقرع بقلبي من زمان وحبيت أقوله :39:
( اللهم بلغت اللهم فأشهد )
..{ اللهم استرنا فوق الأرض وتحت الأرض ويوم العرض }..
اللهم من رفعت الموضوع فأرفع قدرها في الدنيا والآخره واجعل كتابها في عليين ..
حسيت الموضوع مهم بس صلااااة^^