بنيتي أنخطبت من رجال بدوي وعنده معزى

السلام عليكم




مساتسن الله بالخير يا حريم

مبارك هالشهر عليكن


والله يا بنات الحلال به رجال بهذا خطب بنيتي ( بقشة ) أكبر بنياتي الله يصلحهن بس كأن بنيتي الله يصلحه مهي مرتاحتن له تقول هذا بديوي وعنده معيزاء
قلت والله يا بنيتي المعزاء مهي عيب اهم شي الرجل الصالح
قالت مهى مشكله المعزاء

قلت أقل وش المشكله

قالت أخاف تفكير البدوي يختلف عن تفكيري
قلت وضحي لي وش لون ما دام انتس بدوية بنت بدويه
قالت افهمتس يمه

المشكلة البدوي
1- يكون متعصب شوي واقشر احياننا ولا يعرف يرمسس مع حرمته ( يرمسس = رومانسية )
2- ما يهتم بشكله احياننا تلقين شعر وجهه مكوش وشنبه مغطي نص فمه
3- بعد ما يجي من الغنم يا والله قليل منهم الى يتروش اقل شي يتطيب يجي ابن الحلال وريحت زخمت الغنم والكمخ معه واحياننا شويت صنان
4- ما يعرف بالدنيا من السيارات الا الدداسن
5- يا منه ضحك ضحكة انخرع منه الى عنده كأنه شكمان ددسن مبوشة هه خخهه خهههخ ههههخ اعوذ بالله من هالضحكه
6- السرير عنده بالغرفه يقوم ويقرط الفراش وينسدح على الارض
7- الناس تتحدث عن الأسهم والبورصات وهو ما يعرف يتحدث الا عن النياق والأبل والحمير
8- يامني كنت مريضه وتعبانه يتعمد يخلى الشبة عندنا
9- و

خلاص يا بنيتي لا تكملين خليني بس اشاور بنات حواء وهن يقولن لي هو يصلح ولا لا