بنيتي لازقة فيني 24 ساعة

بنتي عمرها 5 سنوات
تخاف مرة تجلس لوحدها

مثلا .....
ادخل انا وزوجي غرفة النوم تظل واقفة برا وهي بس تصيح بصوت عالي وتبي تدخل
وهي صارت في سن ما شاء الله فاهمة كل حاجة يعني ما اقدر دائما ادخلها

واكبرررر رعب عندها لو شافتني بنام خلال النهار
وانا والله ما بتركها وبنام الا بوقت اكون فيه تعبانة من شغل البيت او اكون مريضة
حتى لو كان زوجي جالس معها ما تقتنع الا بوجودي انا
بس تبكي وتصحي فيني وتعمل اي حاجة علشان ما تخليني انام
يعني لو لزم الامر ممكن تبكي فوق راسي او حتى تفتح باب الغرفة علشان يصير الجو حر ولو شافت ان ما في استجابة ممكن تقرصني تألمني او تعمل ااي شي علشان ما انام حركاتها مرة تخوفني عليها
ما ادري احسها متعلقة فيني بزيادة
لوو زوجي بينام او ببيخرج ما تسوي كذا المهم انا ما افارقها
حتى با الوقت اللي بشتغل فيه با البيت تظل تلاحقني من مكان لمكان
ولو خرجت من غرفة الجلوس ابي اشرب ماي تقولي ماما لا تسكري الباب خليه مفتوح
ولما اسئلها انتي ليش تسوي كذا حبيبتي تقولي :اخافك تتتركيني
اقولها بس انا بنام مارح اموت ان شا الله
دايما احاول اطمنها بس مافي فائدة
وعلى فكرة اللي في بنتي مو دلع او دلال او جذب انتباه لها
اللي عندها وانا متأكدة من هذا الكلام (خوووووووووووف )
تخيلو عندي بنتي الثانية عمرها 3 سنين ما تسوي
ولا حتى 1%من اللي تسويه اختها ع العكس
الثانية ما يهمها ابداااا لو اتركها
بس تلعب وتبسط نفسها ما شاء الله



اللي عندها خبرة تفيدني
والله مو قادرة اشوفها على هذا الحال
حتى زوجي بدأ يطفش من هذا الوضع
وصاير عصبي على البنت مع انه يمووووت عليها
الله يهديها وجميع اطفال المسلمين