الله يخليها لك ويخليكم لها

على فكره شي حلو انها تتعود على الصلاه وقيام الليل والخشوع ماشاءالله عليها

امانه عطيها بوسه مني بليز هههههههههه :)

نجود الرياض:انتي امها واكيد عارفة انسب اسلوب تقنعينها وان شاءالله ترحينها وبعدين بقولك شيء لازم كل ام المفروض تسوية لاتقولين لبنتك لاياماما ماحنا ميتين وش هالتفكير الي تفكرين فية بالعكس المفروض كل وحدة توعيي طفلتها وطفلها ان فية موت وان الواحد اذيحب ربي لازم يسوي خير ويسمع كلام امة وابوة ومايزعل على اي احد مات من اهله كثير اذيحبهم يدعيلهم يطلعلهم صدقة يدعي ان ربي يجمعنا بالجنة هوني عليها امر الموت والخوف منة وقوليلها امثال عن الرسول صلى الله علية وسلم ان هو قدوتنا وكان يعمل صالح ومات عشان يروح عند ربي ان شاءالله بالجنة وان شاءالله نشوفة بالجنة
لانا طفلتك افرضي ماتت صديقتها او احد يقربلك مرة وعزيز عليها بتقعد تهوجس وتخاف وماتنام وتحس ان الحين انها هي بتموت زيها وتفكر شلون تموت
قوي ايمانها بمسالة الموت والعمل الصالح وماشاءالله عليها على قولتك بقاني وتصلي وتدعيلكم وتخشع الله يخليها لك ويطرح البركة فيها ويخليها عبدة صالحة تقية تبر فيكم

اختي الغاليه..

اولا الله يخلي لك بنتك ويخليك لها يارب..

اكيد البنت مسيطر عليها شعور اتجاه موقف معين اما حادثه او خبر او قصه..
اجلسي معها واعرفي السبب الاساسي من وراء هذا الشعور..
ذكريها ان الله مايترك احد مهما كانت الظروف وحسسيها ان الصلاة اخر الليل والدعاء شي رائع ويقرب من الله ولاتحسسينها انه شي خطأ او يخوف.. علميها اللجوء الى الخالق..

وشي طبيعي صدقيني اكثر الاطفال يمرون بنفس هذي الحاله ولكن كل طفل يعبر عنها بطريقته الخاصه اما بالتعلق الزائد او بالعدوانيه وبنتك ماشاء الله عليها والله يحفظها لجأت الى ارحم الراحمين..
والله يستجيب دعواتها ودعوات المسلمين..

مع كل الود..

غاليتي نجود الرياض .. الله يهنيك ببنتك ويرزقني بنوته مثلها بسم الله عليها من كل عين
اول مره صليت فيها القيام كان عمري 14 سنه الصراحه شوفي انت جلسي معها لانها اكيد متاثره من كلام اكيد انه من خارج بيتكم والأكيد انه من المدرسه واقري عليها كتب او مشاركاتك بالمنتدى عن قيام الليل وعادى خليها تدعى دعاء الطفل مستجاب يمكن لاقدر الله ترد عنكم قضاء وقدر او ان الله مسخرها علشان يحميكم من مكروه الله يكفيكم الشر ومع كذا خير الأمور الوسط لاترهق نفسها قولي لها تقومك معها وصلوا نصف ساعه وادعوا فيها مع الوقت بتتعود وجودك وبتقومون سوا وبكذا ماراح تترك عادتها الرائعه ... الله يحفظها ويهديها ويرزقني بنت مثلها لاتخافين بل افتخري بطفلتك