كوبونات الراقية تسجيل الدخول

العاقبة للمتقين

بنيت فلة وأثثتها وسكنت فيها مع زوجي وعيالي وشوفوا المفاجأة

الأسرة والمجتمع •

السلام عليكم
كل عام وأنتم بخير مالكم بالطويلة قصتي باختصار أنا موظفة من 15 سنة وزوجة وعندي سبع عيال طلعت قرض مع الرصيد اللي عندي محوشته من راتبي وسلفوني اخواني واخواتي وصديقاتي ودخات جمعيات مع المدرسات المهم بنيت لي بيت قلت يسترني انا وعيالي ماأدري عن الزمن وش يسوي فيني وقلت بعد استفيد من راتبي وتعبي واشوف شي ملموس واتفقت انا وزوجي وبدأت العمار طبعا المشرفين عليه اخواني طبعا زوجي ماله رغبة في الاشراف ويقول دبري نفسك المهم عمرته واثثته وكان يقولي روحي انتي واخوانك اثثيه عشان نسكن ونرتاح من الاجار وللعلم الاجار ادفع انا نصفة كمساعدة له المهم سكنا فيه وبدأت المشاكل اذا دخا احد اخواني طبعا اخذ اذنه قبل اخوي بيسير علينا وش رايك يقول وش يبي قلت يسلم ويزورنا يقول روحي لهم انتي وخلاص واذا مرتني اختي يقول وش تبي وامي دخلت علي مرة وحدة فقط مع اني ساكنه من اربع سنين وانا اللي لزمت عليها وجت وكان مسافر وفجأة دخل وكانت عندي سلم عليها وهو يمشي وماجلس واستحت امي وطلعت وتمر الايام وصار يختلق المشاكل ثم جاءت المفاجأة تزوج علي واستاجر شقة قريبة من بيتي يقول عشان عيالي يصيرون قريبين مني وجلس معها سنتين وطلقها وتزوج ثانية وراح وسكن في بلد غير اللي انا فيه يعني سكن في ديرة اهله واستاجر شقة لها وجابت بنت وولد وهو الحين يطالبني انقل عنده لانه عمر فلة ويقول تعالي انزلي فيها والا ابنزل زوجتي فيها وش رايكم مع العلم لااكرمني ولا عيالي انا اللي قايمه فيهم واحيانا لكنها قليله يمد يده علي ويشتمني واهلي
137
43K

يلزم عليك تسجيل الدخول أولًا لكتابة تعليق.

تسجيل دخول

مدري وش احس
مدري وش احس •
ياعمري ربي لايضيعلك تعب
رائي تروحي تسكني بفلة زوجك وبينك اجريه لاتبيعيه واذا ماناسبك الوضع ارجعي بيتك
ام فارس فلسطين
ام فارس فلسطين •
الله يعينك
$ قاليري & هوم $
$ قاليري & هوم $ •
كان عملك جنب بيتك اقعدي فب بيتك ولا تروحين للديره
خليه يشبع من الحرمه الجديده
بشرط انك تخلينه يصرف ع عيالك وبيتك خليه يشيل مسؤلية البيت لاتتنازلين
عن حقوق عيالك ونفقتهم
*طالبه جامعيه*
*طالبه جامعيه* •
مدري وش احس مدري وش احس :
ياعمري ربي لايضيعلك تعب رائي تروحي تسكني بفلة زوجك وبينك اجريه لاتبيعيه واذا ماناسبك الوضع ارجعي بيتك
ياعمري ربي لايضيعلك تعب رائي تروحي تسكني بفلة زوجك وبينك اجريه لاتبيعيه واذا ماناسبك الوضع ارجعي...
كلام سليم وعين العقل
ليس مهما
ليس مهما •
لا حول ولا قوه الا بالله دام مايفيدك بشي وجهه قوي يشتم اهلك بعد ما ساعدتيه وادا شايفه انك تقدري على المسؤليه تطلقي وانفكي من شره

وادا شايفه ان المسؤاليه بتكون عليكي كبير روحي عيشي معاه واجري فلتك وتستفيد من الايجار وبكدا ماراح يقدر يمن عليكي بشي

دعواتك انخطب بها الشهر ممن اتمنى والله يفرجها عليكي وعلى كل مكروب