بهارات لرمضان

البهارات مهم تشرينها صحيحه وتنظفينها وتطحنين كميات بسيطه
انا مااحب البهارات المخلطه
احب كل واحد لوحده
مع الكبسه جربت الخولنجان وورق الغار يعطون طعم لذيذ والكزبره الناشفه بعد
اي شي فيه لحم حطي البهار الاساسي كمون
الباقي على حسب الطبخه وش تبي
المهم تكون طازج وتحفظينها بالفريزر

انا جربت بهارات الامير طعمه حلوو حتى بنات حواء يمدحونها

آستخدم بهارات من وحده دوسريه ماشاء الله تفتح النفس

انا استخدم بهارات اسناد
اخلط كرتون كبير كسبره مع نص كرتون كمون مع ملعقه مليانه فلفل اسود
هذي استخدمها مع الايدامات وشربه الشوفان وحشوة السمبوسه والمكرونه وخطة البيتزا وخليك كريمه بالحط


اما كبسات الرز استخدملها بهارات صحيحه
زي الرز الابيض باللحم استخدمله قرفه وفلفل اسود وهيل وشويه من البهارات اللي انا خالطتها

الرز المندي احط بهارات صحيحه قرفه وهيل وقرنفل وفلفل اسود طبعا مع بصل وثوم طازه

ولتتبيلة لحم المندي استخدم الثوم البودره والفلفل الاسود مع زيت وصفار الزعفران وشوية ملح

الرز البخاري احط بهارات صحيحه قرفه وهيل وقرنفل وفلفل اسود وخلنجار

شربة الخضار استخدملها بهارات مطحونه كمون وفلفل وكاري طبعا من اسناد

طولتها عليك بس علشان ابين ان البهارات حسب الطبخه بعضها تحتاج مطحون وبعضها بهارات صحيحه
في ناس يعتمدون نوعية البهارات وحده لجميع الطبخات كذا بتحس ان الاكل كله نفس الطعم ماتغيرت نكهت طبخه عن طبخه
اذا استفدتي لاتنسيني من الدعاء

السلام عليكم ..انا بيع بهارات مشكله وبهارات كبسه لذيذه ونظيفه اسويها بيدي ..وابيع طبخات واكلات نفاس ومفرزنات من جده


يمنع الارقام في المنتدي