بهاوشكم يابنات حواء تعالوا ..!!

السلام عليكم ورحمة الله وبركاته
ومساء الورد للجميع
طبعاً أنا متابعة قديمة لعالم حواء
ودائماً أقرأ مشاكلكم .. وملاحظاتكم .. وسوالفكم
واستفدت منكم كثير وأكيد كثير استفادوا مني بس عالخاص ماأحب أسولف عالعام :35:
فيه ملاحظة .. سبب أغلب مشاكل كثير منكم
ليه الوحدة فيكم لاملّكت في فترة الملكة كأنها طايحة على كنز مو رجّال
(للي طايرة وهي تقرأ ) قلت كثير منكم مو كلكم
تعطيه كل مشاعرها وحياتها وشخصيتها وكرامتها وكرامة أهل اللي خلفوها
وإن زعل عليها قامت الدنيا ماقعدت راحت تركض وراه وتراضيه وماتصدق يعطيها نظرة
وكل ماقال لها أبي اقابلك قالت تعال
وكل ماقال ابي اطلع معاك
قالت مو مشكلة أنا جاهزة
وإذا أحد من اهلها نصحها يابنت أثقلي قالت زوجي مو صديقي
ولاتزوجت دلعها سنة وبعدها بدأ الهم والغم والمشاكل والرجال تعود إنها ماتقول لأ وماتناقش وهي اللي تدلعه وهي اللي تلبس له وهي اللي تجهز الليالي الرومانسية وهو كل شيء وهي ولا شيء
بتقولون لي هذي الحياة الزوجية ؟؟
بالله هذي حياة اللي كل يوم وإنتِ قالبة ديكور البيت مرة بحري ومرة لحمي ومرة ناري علشان الزوج يحبك ويحطك فوق راسه
بالله هذي حياة اللي كل يوم شايلة عفشك ولابسة مرة خادمة ومرة ممرضة ومرة أرنب والله يستر أيش باقي ؟
التجديد مطلوب لكن مو بهالطريقة اللي جالسة أقرأها
أقسم بالله لو أنا رجال وتجيني وحدة كذا لاأحتقرها العمر كله
ليه ماعندك انسانية علشان تلبسين أرنب وتقلبين نفسك حيوان ؟
ولا ماعزيتي نفسك يوم الله يعزك وتحطين نفسك خادمة ؟
وكله كوم واللي تلبس لبس أطفال وتجي تتميلح عند الشباب وهي طايرة فوق الثلاثين
أسألك بالله أيش تحسين فيه ؟ وهو أيش يحس فيه ؟ يعاشر طفلة ولا خادمة ولا أرنب ؟
إذا إنتِ ماعزيتي نفسك وحفظتي كرامتك .. تبين الرجال يحفظها لك ؟
ليه تخلون الرجال يناظر لكم كجسد وبس ؟ إنتوا أعطيتوهم النظرة هذي .. إنتِ مجرد جسد يتمتع فيه وبس
مالك كيان في حياته .. مالك وجود فعلي في حياته .. مالك وتد في داخله
وين عقلك .. ووين تفكيرك ..
الله سبحانه وتعالى .. جعل بينكم مودة ورحمة
هل كل اللي تسوونه بينزل بينكم المودة والرحمة .. مافكرتي بأشياء أعمق من كذا ؟
عمرك أعطيتي الرجل إيحاء إنك نصفه الثاني .. وإنك عقلية واعية ومتفتحة .. وإنك أنثى تشاركه همومه واهتماماته وتفكيره وحياته مو مجرد (حرمة كل همها ترضي غريزته وبس)

هذي نقطة في بحر .. نفتح النقاش ونكمل أيش رايكم ؟:27: