بهدوء وعقلانية / تقبّل فكرة الزواج help

السلام عليكم ورحمه الله وبركااته

بداية ااحترت وين اكتب هالسطور هل هنا ؟ وإلا الحياة الاسرية أو ..
سؤالي وتساؤلي عن الزواج بكل ما تعنيه الكلمة من معنى

مشكلتي مو متقبله فكرة الزواج أصلا مدري من تعقيدات الزواج اللي عندنا ؟ أو القصص والمآسي اللي نسمعها كل يوم

افكر في الزواج كـ ارتباط أبدي مو اهتمام بليلة العرس وفستان بآ لاف عشان حصه ومنيرة يشوفونه !
والا القاعه الفلانية والا اناسب آل فلان لانهم كشخه وراعين فلوس !

كل اللي أعرفهم متزوجات حديثا او قديما اذا سألتيها ليه تزوجتي ؟ عشان ماأظل عانس
عشان ابي أطفال ، افتك من اهلي ! واجابات مختلفة مافيه ولا وحده تتزوج لانها تبي الزواج نفسه

انا ما أنكر إن أي انثى (سويّه) تميل إلى الرجل وهذا شي فطري وفينا كلنا تميل للحب والولد والحنان والعطف والكلمة الحلوة وأطفال

لكن معظم إلى ماكان ثلاث ارباع المتزوجات اللي أعرفهم واقعهم غير وأحلامهم غير شي ثاااني وصدمة!
وحده متزوجه بأول العشرين/ في لحظه قالت تصدقين احنا البنت عندنا بوضع سيء ، تلقينها تكافح وهي لسى بنت وتقاوم الاغراءات والفتن وتحفظ نفسها ومشاعرها لزوجها وإذا تزوجت مالقت جو مناسب للتفريغ
تعبانة كثير من هالنقطه كانت

أنا أعرف إن لكل وحده حالتها ومو كل الناس او الرجال زي بعض

لكن برأيي الزواج شي يبيي قلب جااااااااااااااااااااااااااااااامد وقوة وتفكير بعيد عن عواطف يعني الحساسات والعاطفيات هم أكثر الناس فشل في انجاح الزواج :(

شي صعب مفارقه الأهل الام والاب كل يوم تشوفينهم والوضع اللي متعوده ومرتاااااحه عليه

خوف من الشخص اللي معك ، هل فيه تقبل ؟ هل فيه مواصفاتك اللي تبينها بجد ؟ هل فيه شي تكرهينه ؟ طيب كيف رح تتعايشين معه ؟

شعور الأمان ببيت الأهل والقلوب على بعض وعارفه مهما صار مصيركم لبعض لأن الدم واحد لكن مع ولد الناس ؟ اي مشاحنات او هوش تظل بالقلب

انا خايفه من الصدمة ، خايفة من صفات اكرهها ولاني مااقدر اتعايش رح اتعب اتعب اتعععب والى متى ؟