بودرة كينيبو

للامانه انا ما جربتها..بس هذي تعتبر ماركه ؟؟زيها زي شانيل وكرستيان ديور..الاقيها في قزاز ممكن؟؟انا من اول احسب البنات يغلطون ويكتبون كانيبو بدل نيبو..وبعد كم موضوع اكتشفت انها ماركه مستقله بذاتها..فياليت اي احد عنده معلومه عنها يتفضل..




اختك..
سبائك العسجد..

خبيرة مكياج ومزينة للعرائس مشهورة عندنا في قطر تستخدمهادائما ...

حلوة للحفلات ... اختي وضعتها في عرسها طلعت روعة

بس انا رحت شريت لون فاتح منها ما ناسبني لانه ابيض جدا طلع مثل البودرة

الخبيرة كانت حاطة لون طبيعي (بيج على وردي) .. وكان يجنن اللون .. انا راح أحاول اسألها عن الرقم وأرد عليكم

كريم الاساس عندهم حلو يعطي تغطية ولون للسهرات

على فكرة البودرة مشهورة عندنا ...

--انيقة

صح كلامك..
بودرة كنيبو غالية وايد.. تقدرين تاخذينها بدون علبتها تطلع أرخص...
أنا جربتها.. حلوة وتغطي العيوب.. بس أنا لأني بشرتي بيضة..حسيت أنها غمقتني... مع إني أخذت أفتح لون..
هي تليق على السمراوات أكثر...

جاتكم العلوم الزينة

بودرة كنيبو المضغوطة تغطي العيوب بفعالية ... وتناسب البيض و السمر

حلوة للسهرات ... يعني الوحدة من بعيد تبيين لانها تنووور الوجه

لكن : هي سميكة جدا ... فالواحد لما يقرب منها يبيين البودرة ..
يعني ما تعطييك ملمس طبيعي من قريب لكنها حلوة للصور

مجازا :هي حلوة للمكياج الثقيل جدا ولتغطية العيوب

ديور وجيفنشي مثلا تعطيك ملمس اخف منها

يعطيكم العافيه
وانا كنت ابي اشتريها بس انا ماحب الا المكياج البسيط خصوصا ان مافيه تصوير
وانا قريت لخبيرة تجميل تقول انها افضل نوع بس يمكن لخبيرات التجميل وللمكياج الثقيل