تدرون ...يوم القى شي حلو ويديد لازم اخبركن لأنكن خواتي حبيباتي ..وياما استفدت منكن ..يعلني ما خلا ..
البارحه كنت رايحه محل ماك للمكياج ابا اشتري بودره وكحل
وجان امر واوقف عند مجموعة بودره الوان في البداية فكرتها بلشر !!!
ولما سألت صاحبة المحل قالت لا مش بلشر هذي بودره للوجه ! تحطينها في نهاية المكياج ..اخر لمسة .. جربي وشوفي ..
عاد انا استغربت كيف بودره لونها وردي ! وفي برونزي !!! بعد !!! قلت اكيد حق الناس اللي يبون يسوون برونزاج ...بس قلت ليش ماجربها ؟...
اخذت البودره العاديه اللي اخترتها وعلبتين من البودره الملونه ..الورديه والرونزي
ودخلت غرفة التجربه عندهم داخل عشان اجربهن على ويهي ..
حطيت البودره العاديه ...وعقبها حطيت من الورديه ...ويا للعجب من اللي شفته !!!! وااااااو تجنن
ماتوقعهتا جيه !!!! كنت اتخيل انها بتخلي ويهي وردي بس نفس البلاشر !!
شو خلت ويهي !!! يبررررق على وردي فاااتح ..يلللللمع ..تعرفون فيها لمعه بس مش العاديه ..لا ! غييييير.. تحطين على كامل الويه وتكثرين عالخدود
حلوووو ... حسيت ويهي فيه رونق وبريق عجيب !!! والله ياخواتي كأني مسوية تنظيف بشره ...لاني انا يوم اطلع من عند الحرمه اللي تسويلي التنظيف يكون ويهي وررردي ويلمع ...
نفس الشي لما تحطينها والله وأحلى بعد .... طبعا انا اشتريت الورديه .. وخاطري ارجع واخذ البرونزيه بعد ...وسعرها 121 درهم
حلوه وايد للمناسبات وحتى الايام العاديه بعد الميك اب ...انا اليوم حطيت منها للدوام ...لأنها تعطي نضاره وبريق حلو للويه ..وانا عاد اختكم احب العدله كل يوم ....:)
على قولة مطربنا الجسمي : وجه ن شرب بحمرة ..مثل البدر والقمره ..
وهذي صورة البودره
اتنمى اني اكون افدتكم ياخواتي ....جربوها وخبروني واذا عجبتكم ادعوولي دعوه حلوه ...واللي مجربينها من قبل يقولون رايهم .. واتمنى تردون وتشاركوني ...
ودمتم سالمين وحلويييين :)
بنات ادعو لي ربي يكشف كربي ويزيل همي وييسر امري..