بورك التاج لذيذ وخطير

مرحبا بنات اليوم جبت لكم طبق حلو ولذيذ ومجرب واتمنى يعجبكم
بورك التاج
المقادير:
العجينه :2كوب طحين فاخر
3ملعقة اكل زيت
2/1ملعقة شاي ملح
2/1كوب ماء
زيت للقلي
الحشوه :
كوب جزر مبشور
2/1 كوب ذره مسلوقه
2/1كوب بصل مفروم
2كوب دجاج مسلوق ومفروم
2ملعقة اكل كزبره مفرومه
1ملعقة شاي فلفل حار مفروم
1ملعقة شاي ملح
2/1ملعقة شاي فلفل أسود
2/1ملعقة شاي كاري
2/1ملعقة شاي كركم
2ملعقة أكل زيت
الطريقه:
تخلطين الطحين مع الملح والزيت والماء وتعجنينه جيدا باليد لين يكون عندك عجينه طريه متماسكه وتغطينه لين تسوين الحشوه
تحمرين البصل بالزيت وتخلين الجزر والدجاج والذره والكزبره والفلفل وتقلبينه على النار وتبلينه بالملح والبهارات وتخلينه يبرد
تقطعين العجينه لقطع صغيره بحجم الجوز وتفردينها على شكل مربع وتخلين ملعقة شاي من الحشوه وتلفينها على شكل مثلث وتلفين الأطراف للخلف وتضغطين عليها لتصبح مثل التاج وتحمرينها في زيت ساخن وغزيروتقدم مع الصلصه الحلوه الحاره الصينيه وبالعافيه
بنات ترى انا سويتها بدون الفلفل الحار المفروم واكتفيت بالفلفل الأسود
ولفيتها على شكل سبرينج رول لأنه اسرع
وقدمتها بدون صلصه لأنه ما عندي وبالتوفيق