ياليل الليل سويته طلع زوجي شمالي غربي وانا غربي جنوبي

لقيت اختبار انماط الشخصيه وجاوبت مدري صح النتيجه والا من جنبها

ضحكة سرور تعالي فهميني بطلع كتالوج الي عندي

ضحكة سرور علميني ايش هو نمطي
صفاتي
كسوله وأحب الاسترخاء
احب الهدوء واتوتر بالازعاج والضجه
اذا حبيت شخص احبه من اعماق قلبي واذا كرهت كرهت من اعماق قلبي اللهم ياكافي😂
حساااسه جدا واي شئ يجرحني
اذا سمعت عن شخص انه مريض او تعبان او صارله حادث او شى مو زين وانا اكون اخذه موقف من هالشخص أتاثر واحزن وابكي مابغى يصيرله شئ
مزااااجيه الحين اضحك واهرج بعد شوي تلقيني ساكته وطفشانه
أحب السواليف مع شخصين او ثلاثه الى اربع اشخاص بالكثير غير كذا اطفش بسرعه واحس مافيه هرجه والجو مملل بالنسبه لي
مشاعري جياشه واحب قصص الحب وهالسوالف🤣🤣🤣
احب الشغل الجماعي كمثال برمضان لما يكون فيه ضيوف عند اهل زوجي احب نتفق وكل وحده عليها كذا صنف وابغى ابدع وتطلع طبخاتي احلى شئ اتحمس مره عشانه شى جماعي
احب الطبخ واحب اتفنن لكن ماحب الغسيل واشيل هم المواعين 😣
اذا تحمست للشغل اطربق الدنيا فوق تحت واخلص بوقت قصير واكون مخلصه من كل شئ واحس بانجاز عظيم
ولكنت ماني رايقه يادوب اكنس غرفه واحسني تعبانه منها 😁😁😁
اكررره الروتين ماحب نفس الشئ كل يوم
اكرره النظام احب انام متى مابغى ماحب اتقيد بالانظمه
بس هذا اللي في بالي >>حشى مدووونه😅😅 وهذا بس اللي عندي

حلو الموضوع
انا نمطي شمالي شرقي ...(بدون تطرف )