احببت ان اضع بين ايديكم صور بوفيهنا انا وخواتي سويناه على شرف زيارة زوجة خالي وأم زوجة اخوي عندما زارتنا في الكويت وكان لها كم سنه ما زارت الكويت
وبما انها عزيزه وغاليه علينا هي وزوجة اخوي سوينا البوفيه وتشاركنا فيه كلنا وسويناه مفاجئه لها ولبنتها زوجة اخوي
مالكم بالطويله <<<<<<<< تو الناس >>>>>>>> هههههه
طبعا كان الشغل مقسم كل واحد حسب الخبره و السنع (( شركه مو بوفيه )) اقول اخلصي بس 0000
السلطات كانت من اختي كلها شغلها الله يحفظها من العين
الورق العنب و الكوساالمحشيه تخصص اختي الكبيره فنانه فيها تبارك الرحمن
الشاورما من اختي الصغيره
انا وبنت اختي علينا باقي الاطباق الثانيه الحمسات و الخرابيط
توكلنا على الله على الصور
طبعا السلطتين اللي بالمواعين الزجاج من زوجة اخوي الثاني الله يحفظها ويبارك فيها
و الحمص و المتبل مني انا وبابا غنوج من اختي اللي مسويه السلطات
هذا جانب آخر من لبسلطات وواضح فيه الشاورما الدجاج
صوره خاصه للشاورما
وكمان جانب آخر من السلطات
هذا ميني صمون وميني كلوب ساندويش من زوجة اخوي الصغير جاهز مشاركه منها الله يعافيها
و مبين في الصوره الحوافظ واحد فيه برياني دجاج من طباخة امي و الثاني الدقوس ما قصرت على المشاركه
(( بس للاسف ما صورتهم وهم مفتوحين من العجله والله
ورق العنب من اختي الكبيره جزاها الله خير
الكوسا المحشيه من اختي الكبيره بعد
مثل ما هو واضح الورق العنب و الكوسا ثم طبقي مسقعه بالباشميل و مرقوق اختي الصغيره
واللي بعدهم باستا الدجاج بالكريمه طبعا طبقي و اللازانيا اختي اللي مسويه السلطات
صورة المرقوق
للموضوع بقيه انتظروا رجاءا
طبعا جاينيز الدجاج من اطباقي و الحمسه الثانيه الفاتحه من بنت اختي حمسة دجاج روعه كانت ما اذكر اسمها الحمسه
هنل واضح بالصوره اللي قبل الجاينيز والحمسه كان عباره عن سخانين فيهم ستيك الدجاج بالكريمه من بنت اختي بعد ( الابيض لوبه ) و الثاني طبق كفته بالباذنجان طبقي انا
المشويات من اختي الرابعه اللي قبلي وطبعا جاهز جزاها الله خير وهذا يمكن هو والساندويشات اللي جاهزين فقط وطبعا ما نسينا النجت و البطاط المقلي للاطفال
وهذا كان البوفيه وهذه صورة الاطباق والملاعق لا يزعلون علينا
والحين ننتقل بكم الى الحلو اللي بعد العشا وهوعباره عن
الالبه وهو من اطباقي وماشاء الله كانت بحق روعه
وهذا نوع ثاني من انواع الحلو بس والله ما اعرفهم لاني مو خبره بالحلو
ونوع آخر لكم
ونوع آخركذلك
و النوع الاخير هو
في الختام
ارجو منكم تقبل موضوعي بصدر رحب لان التصوير سريع لانا كنا متأخرين شوي وانا كنت تعبانه حامل ولا خدامه وطابخه وكذا فلم اقم اصور عطيت وحدة من بنات خواتي يصورون وما شفت الصور الا بعد يوم من التعب
واتمنى من الله ان يعجبكم البوفيه كما عجب ضيوفنا
محبتكم في الله
مسك الخالديه