أنا قد جربت بوفيه أكل صيني من مطعم الخليج الصيني اللي بحي الروضة وكان من جد يبيض الوجه وأهلي وصديقاتي كلهم اعطوه أكثر من سعره

بس شوفي مو تقولين له على عدد الضيوف الصح اللي عندك لأن هو بيحسب لك النفر بـ 100 ريال أنا كنت عازمة عشرين حرمة وقلت له أبي حق عشرة أنفار فحاسبت بـ 1000
بس للمعلومية أنا ما التزمت بقائمة البوفيه اللي عندهم
- يعني اخترت من الأطباق الرئيسية اللي عندهم أربعة أنواع
وطلبت من كل واحد ثلاث أوردرات
والطلب اللي حسيت إنه مفضل طلبت منه أربع أوردرات
<<< وكذا صاروا عشرة أوردرات يعني بإعتقاده هو إنها لعشرة أنفار
- والرز والنودلز هو اللي حدد الكمية بس أظنها كانت ستة من كل واحد فيهم ز

اللي فات كله طبعاً حطوه لي بسخانات وأنا اخترت شكل السخانات اللي أبي ( عندهم ألبوم )

- وبالنسبة للسبرنق رولز حددت في بالي كم حبة أبي للنفر وعلى هذا الأساس طلبت الكمية ( يعني صديقاتي يوم عزمتهم لأني كنت طالبة بعد شرمب بولز حسبت إن كل وحدة بتاخذ وحدة بس وقلت له أبي لكل واحدة حبتين - لأن هو على باله عندي بس عشرة أنفار - لكن يوم عزمت اهلي واهل زوجي حسبت لكل نفر حبتين يعني قلت له كل نفر أربع حبات بس ترا زاد كثيييير وندمت بعدين لأن طلع السعر واحد سبرنق رولز + شرمب بولز ولا سبرنق رولز بس )
- طلبت شرمب بولز يوم عزمت صديقاتي وحددت لكل وحدة حبة فقلت له يحسب لي إن العشرة أنفار هذول كل وحدة حبتين.

طبعا السبرنق رولز والشرمب بولز حطوا لي إياهم بصحون عادية لأن الكمية قليلة .

- وما طلبت شوربة لأن أحس بالبوفيه اللي في البيت ما أحد يشرب شوربة
- ولا طلبت حلى لأن الحلى حقهم اللي لازم يكون ساخن ويؤكل مباشرة

وعلى فكرة بالعزيمتين بعد المكاسرة والشيل والحط حاسبتهم 1000 ريال يعني هو حاط في باله مية للنفر يعني مية للنفر .

- وأضفت من عندي مقبلات ( وديت الصحون الكشخة اللي عندي لمحل مأكولات لبنانية ناسية إيش إسمه وحط لي فيهم الحمص والمتبل والتبولة ، سويت ورق العنب ، والفتوش )

- الحلى ناسية مرررررة إيش كان بس أكيد إني طالبة على الأقل كيكة من برة ومسوية شيء في البيت أو أحد مساعدني فيه لأني أحس البوفيه لازم على الأقل أربع أنواع حلى .

- المشروبات بيبسي + سفن أب قوارير كبيرة أوفر وأكشخ لمن تصبينها لهم بالكاسات
وطبعا لازم موية وعصيرات ناسية إيش قدمت بس بلو كوكتيل كان اكيد من ضمنهم

وكانت كل العزيمتين راااائعتين بشهادة الكللللللل والتكلفة الإجمالية ؟؟


أقل من ألفين ريال!!!
شاملة كللللل شيء بما فيه المكسرات والتمر والحلاوة اللي مع القهوة !!!!
قولوا ماشاء الله .

اهلين اختي الغالية طير الشوق00

والله المناسبة حفلة بالبيت وبلم فيها الحبايب

اشكر لك ردك يالغالية:26:

ياهلا فيك اختي ام عليوه 00 عادي حياتي خذي راحتك:26:

اهلين ام سعود

تسلمين حبيبتي وما قصرتي 00 بس المشكلة اني مابي صيني ولا ياباني

لكن ان شاء الله ام عليوه وغيرها يستفيدون

شاكره لك ردك حياتي:26: