وحيده 111 @ohydh_111

محررة برونزية

بوفيه ملكتي البسيط^_^

السلام عليكم ورحمة الله وبركاته
اليوم قررت انزل لكم بوفيه ملكتي البسيط ..
ونصف الاطبق من صنع يديه والنصف الاخر اختي وبنات خالي ونصف اخر صديقتي منوشه الله يسعد قلبها يارب....

طبعا ملكتي كانت مصغره حفله لاهل زوجي وناديت صديقاتي لاني اغليهم بالحيل واعتبرهم خواتي

استأجرنا طاولت وكان ترتيبها حلو الاخيره كانت للحلى والفاكهه
الي قبلها كانت الاكلات الشعبيه بحوافظ كانت عباره عن جريش ومرقوق وقرصان
امي سوتها الله يسعدها ويشفيها
والطاولت الي قبل كان فيها المقبلات والمحاشي
المقبلات عباره عن تبوله انا جهزت اغراضها كلها العصر وطلعت المشغل وبنات خالي فرموها وضبطوها بصحون التقديم
سلطة بطاطس قلت لهم يسلقون البطاطس ويقطعونه قبل اطلع العصر من عندهم وباقي الطريقه كل شوي يتصلون علي بالمشغل وش نحط وش نسوي ...:35: مايقدرون يسون شي بدوني..
وسلطة ملفوف ابيض وبنفسجي صايره جنان رغم انهم مافرموها ناعم
سلطه بالذره والخضار المقليه
حمص من صنع يديه
سمبوسه وكبه اشتريت اغراضها وعطيتها صديقتي لفتها وقلتها في بيتهم وجابتها
ورق العنب كان جاهز جابته ام عبود صديقتي
فتوش اختي سوته

الرز كان بصواني كبار واللحم بصواني ثانيه طبعا كانت امي طابخته الله يحفظها ويكفيها شر الناس

والمحاشي انا سويتها وحشيتها وحطيتها بقدر
ودخلتها اثلاجه واختي طبختها يوم رحت المشغل

طبعا انا سويت 3 صواني حلى الثلاث الي بالوسط وثنيتن من صديقتي ووحده الحمراء من بنت الجيران

المشروات والمويه كانت على طاولات الاكل

طبعا الصور كانت بشكل عام ومو لكل طبق لاني ماصورتها بوقت الاعداد والتقديم كانت مع ابو الشباب بالمجلس
وزرت صديقتي واشوف الصور بجوالها قلت لازم انزلها لبنات حواااء صقيقاتي :39: رغم ان ملكتي قديمه كانت بشهر 4
والحين انا في بيت الزوجيه من شهر 6 تقريبا ....