ياحبي لك ياام احلى ارام الله يخليها لك ...اشكرك جدا على التوضيح وان شاء الله اكتب لكم وش سويت بالتفصيل

بس وشلون اسعار باخشوين (المناديل...والمسكات...)في حدود كم ....الله يعطيك العافيه ..وهل له فروع ثانيه في

الرياض ؟؟؟اوشيقر هل لهم فيها فرع ؟؟؟؟؟؟؟

لا شكر على واجب يا عيوني


اما باخشوين فإذا ما خانتني ذاكرتي فأظن له فرع في اسواق نجود أظن ....
اما اسعار المسكات فأنا قدشفت عندهم اشياء بإكسسوارات كلرستال وشغلها مره حلو واظن كانت الحبه ب25ريال
واشوف عندهم مسكات بلاستيك ناعمه تكون ال5 أو ال6 ب20 اوفي هالحدود عاد انتي وميزانيتك

اما المناديل فاسعارها على حسب التطريز او الإكسسوار اللي فيه ا

انصحك تروحين لهم والله بتنبسطين

وترى عند هوم سنتر طلبك واسعارهم بالمره حلوه

ووشيقر ماعندهم باخشوين

اتمنى اكون افدتك

بااااااااااااي

وعليكم السلام ورحمة الله وبركاته

حبيبتي همس السكون يمكن مااقدر افيدك كثير بهالموضوع بس كلماتك واسلوبك
شدوني الاّ أرد .. ماشاء الله عليكي عســـل الله ينولك مرادك دنيا وآخره ..

بالنسبة لموضوعك ..
صياني الخدمة موجوده يالغالية بأغلب محلات الأوني اذا ودك تشترينها
وبعد تتأجر بمحلات تجهيز الحفلات واذا ماتبين محلات غالية .. فيه في بالي
كم من محل راح أتأكد من أماكنهم وأرد لك ان شاء الله

على فكرة ماقلتي لنا انتي ناوية تحطي الصحون فوق بعضها وكلن يمر وياخذ ؟
ولاّ ناوية تحطين طاولات توزعينهم عليها؟؟


لي عودة باذن الله

تحياتي للجميع :)

نسيت أقولك باخشوين على الأمير عبد الله تقاطع التخصصي
جنب العزيزية بندة على طوووول :)

هلا وغلا والله باختي غاليه ...والله يجزاك خير على الاطراء مع اني مااستحق كل هذا بس هذا من ذوقك حبيبتي:26:

بالنسبه للصحون ابصفها فوق بعض على طاولة البوفيه اريح ....والله يخليك اعصري مخك زين زين وتذكري اسماء

المحلات واماكنها وتكون اسعارها معقوله وبضاعتها راقيه وحلوه ...وبالنسبه لصياني الخدمه بكم ؟؟وبكم تأجر ؟؟؟

صراحه اول مره في حياتي اسوي بوفيه ل50 امراءه ..بس باذن واحد احد انه يطلع يبيض الوجه (يارب) وخصوصا

ان زوجي متحديني يطلع زي البوفيه الجاهز وانا مصصمه اني اكسب التحدي مع العلم انه عطاني قيمه البوفيه

الجاهز وقالي سويه في البيت ..يالله فرصه الوحده تبدع :cook: الله يطيكم العافيه يالغاليات ويكثر خيركم :26: