كوبونات الراقية تسجيل الدخول

غرومة..
غرومة.. •



كيكة اللوز والكراميل مميزة جدا جدا ..
ترى من لذتها وتميزها عندي كنت مسويتها لأغلى البشر عندي أمي هدية بيوم الأم <<< ماني قايلة عيد الام عشان ماتكلوني :30: ، وكانت يوم ثاني بس بنفس الاسبوع ..

المقادير:
مقادير الكيكة :
نزيد على المقادير المكتوبة بالرابط م ط لوز مطحون
مقادير كيكة شوكولاته هشة..

مقادير التغطية :
الغناش:
2 ك شوكولاته خاصة بالطبخ
3\4 ك كريمة سائلة "KDD"

الكريمة :
ليتر كريمة خفق "KDD"
1 1\2 كوب سكر بودرة
م ط فانيليا سائلة

البرالين :
1 1/2 كوب شرايح لوز محمصة
1 كوب سكر
م ط ماء

شيرة باردة لترطيب الكيكة




الطريقة:
اخلطي مقادير الكيكة كما هو مذكور وصبيها بــ3 قوالب متساوية "أنا استخدمت مقدارين من المقادير الكيكة وهو يعتمد على حسب حجم الصواني المستخدمة" ..



دخليها الفرن وهذا شكلها بعد ما نضجت ..



بعد عشر دقايق اقلبيها وخليها على شبك حتى تبرد تماما ..
غرومة..
غرومة.. •


بوقت نضج الكيك سوي البرالين :
حطي السكر مع الماء بمقلاة على نار هادية إلى ان يذوب "بدون تحريك" و يصبح كراميل ولونه ذهبي فاتح وشيليه من على النار ..







ضيفي اللوز وقلبيه مع الكراميل ثم صبيه على صينية وخليه يبرد تماما ..



ثم كسريه وحطيه بمطحنه واطحنيه ناااعم ..






ألحين وقت عمل الكريمة :
اخفقي الكريمة مع السكر والفانيليا ..

طريقة عمل الكريمة



اخلطي الكريمة مع البرالين المطحون "لكل كوب كريمة مخفوقة حطي 1/4 كوب برالين ناعم" ..





ألحين وقت الشغل :30: :
+4
غرومة..
غرومة.. •



هاتي قطع الكيك وقطعي الأطراق اليابسة والسطح البارز حتى تتساوى اسطح الكيك بسكينة حادة ..

شربي سطح الكيكة شوي شوي بالشيرة بالفرشاة "لاحظو سحط الكيكة شلون أنا قاصته عشان يكون مستوي ومرتب" ..





ضعي كمية من الكريمة وادهني السطح بها ..





ثم ضعي الكيكة الثانية بعد تشريب الوجهين بالشيرة ثم افرشي الكريمة ..







وأخيرا الكيكة الثالثة ..





ثم ثبتي الكيكة بأعواد الشوي الخشبية واهنيها كاملة بالكريمة وكثري منها "لان الغناش الدافىء راح يذوب الكريمة شوي" ، ثم دخليها الثلاجة لمدة ساعة ..
+5
غرومة..
غرومة.. •


بهذا الوقت سوي الغناش "ترى يحتاج بالكثير 15 دقيقة" ، وخليه يبرد شوي مو وايد بس يدفى ..

طريقة عمل الغناش ..
سخني الكريمة بقدر على النار ثم ضيفي الشوكولاته وحركي الى ان يذوب ..



وهذا شكلها نااااااعمة ..



طلعي الكيكة من الثلاجة وصبي الغناش عليها وحاولي توزعينه على جميع انحاء الكيكة "راح تلاحظين انه انخلط شوي بالكريمة" ، دخليها الثلاجة على طول عشان تتماسك ..
غرومة..
غرومة.. •


ماتبرد الكيكة شيلي الأعواد الخشب "انا خليها 12 ساعة" ثم زينيها وخليها لوقت التقديم بالثلاجة "خليتها ساعة"..



للتزيين ذوبي شوكولاته بيضاء وزيني فيها على ذوقج ..





انا كتب عليها "ياأغلى البشر" لانها لامي وهذا شكلها النهائي ..



وهذا بعد التقطيع ..





وهذي قطعه لكم ..




ترى والله سهلة جدا ومميزة أكثر وخطواتها بسيطة بس أنا مصورتها لكم بالخطوة عشان جذي وايد ، جربوها نصيحة يابنات :32: ..

+2