.. وحفلهُ ماءَ / عفواً
إستمتعواً / وأغرقوا شِعراً
.
تجيــن ..
ويرجف الماء .. ينسكب بوكيه ورد .!
وتشهقين ..
واتبلل بـِ ارتباكك ..
مدري خوفك ..
مدري إستحياء متخبي فـ شوفك ..
لا تلمين الندى تبـرد كفوفك ..
اترُكـي ..
كل شي مثل ما هو عليه ..
ما حصل الا الحنين .!
وكلها
..!
انسكب ./ شفتـه على ثوبي تشكل ياسمين ..
اجلسي ..
خليني اطلب لك شوية أوكسجين ..
وكاس ماء ..
طمنـي كلك ./ وخوفك ، ما حصل إلا الحنين ..
إلا قولـي :
قبل مـ انسى ./ كل هذا الليل في رقة جفونك ..
وش بغيتـي تشربين ؟!
( قهوة مثل اللـي فـ عيونك )
والا نتقهوى عيونك فـ الحديث اللي بـِ يجي ..
اجلسـي ..
هـ الكرسي من اول حزين ./ وحيل فارغ .!
- سيدي النادل ..
هات لـي بعض الهدوء .. وكيك / تين
- كيكتين ؟!
- لا يا عمـي كيك / تين .!
و ارجع اتأمل سكونك ..
وكنتِ انتِ تضحكين ..
آآآآهـ ./ يا حلوك عليها ..
قلتـي : وش هـي ؟!
قلت لك :
هـ الضحكة اللـي كنتِ فيها ./ تورقين
اذكر ان الليل ./ هيل
والتثاؤب ..
كان يدبي في ملامح نادل المقهى الكئيب ..
وكنا حنا اغلب الاكثر نناظر ./ ساكتين ..
و ما سمعتك .. قلتـي ويش ؟!
قلتي : بمشـي .!
قلت : ليش ؟
قلتي :
صرنا بعد ليل ولازم احكي .. لـ اجمل احلامي عليك .!
طب و رمشـي .!
خلـي فـي كونه ./ عيونك ..
قلتي : بس .!
الله يخليـك لـ عيوني ..
ورحتـي تمشي ..
ورحتـي تمشي ..
ورحتي تمشي ..
ورحتي تمشي ..
لين ما غبتـي فـ عيوني ..
وما سألتك نلتقـي بعدين ./ وين
في منتهى الجمال..
تقبلي مروري بود..