بولد قيصري متى اقدر اسافر بسياره

والله ماعندي علم اسالي الطبيه الي بتولدك
والافضل على الاقل خليها بعد ثلاث الايام الاولى
وسدحي سيت السياره لاتكونين جالسه حتى ماتضغطي على بطنك

الله يجزاك خير بس انا احتمال بعد عشر ايام ارجع بيتي يعني في خطر ولا لا

مع تعب العمليه بتعرفين انك مستحيل تقدرين
انا ما اخوفك وربي لكن العمليه مو سهله وانتي بنفسك بتحكمين متى ما صرتي طيبه سافري مع أني ما أأيد قبل شهر لأن بطنك تعبان

ماراح تقدرين حبيبتي الجلوس
انا قعدت بالمستشفى خمس ايام بولادتي الثاني قيصري
ماقعد على حيلي منسدحه ويمشوني بصعوبه الم لايطاق بالبطن
مو زي الطبيعي حبيبتي يارب لك الحمد
لذا اللي تتسوي قيصري تقعد بيتها لو اسبوعين بعدين تسافر
ماينفع تركبين سياره الا منسدحه
خلي زوجك يستاجر سياره كبيره والمراتب اللي ورى سدحوهم وافرشوا سفنج وحطي مخاد عشان تنامين انتي والبيبي ورى وعيالك ورى معك بس تكونين منسدحه
خليه يستاجر زوجك بس بهالروحه

للاسف ماراح تقدري والله بالبيت عادي اسبوعين وانتي تمام وحتى من اول اسبوع بس سيارت ومرتفعات ومطبات مره متعب
انا ماحسيت اني مره تمام وسلم وكل شي عادي الا بعد 4 شهور
الله ييسر لك