بونجور

ضايق صدري ودي استشيركم لان الظغط مليون بس انا انسانه اصيله والله ماتهون على الايام الحلوه مالكم بطويله حنا خمس جارات بعماره مو اخوات الي بعده انا اول وحده جمعتهم واول وحده تعرفت عليهم ولي افضال عليهم كثيره وهم الحق ينقال مايقصرون ابدالمهم وحده منهم لها ثلاث سنين من اسكنت بعطيكم نبذه عني عشان توضح لكم الصوره انا مستحيل اني افك الموانه مستحيل الا معا وحده اختبرتها انها قدها يعني ماتفهم الأمور بكيفها وهي نفسها تبينا نمون وراعيه مواقف يعني اخت المهم هلجاره تعرفت عليها وصرنا اكثر من اخوات واحبها وتحبني تدخل بيتي متى تبي تاخذ من ملابسي من مطبخي تفضفض لي حتا صرنا نقابل بعض بلبجايم وبعض الاحيان ماتروح بيتها الا لنوم وعادي عندي لأنها الحق لله محترمه واعرف تقريبا كل شي عنها قبل مده في الصباح ياطويلات العمر تدق جارتي الثانيه ياورده تعالي السطح سويت فطور وجيبي معك كذا وكذا قلت يلا الا الباب يدق والله الا هي فلانه جارتي بو ثلاث سنين أرحبي وارحب فيها وصباح الخير ردت علي بونجور انا احسبها تطقطق ولا كلمه عابره اثاري البنت مادري قرت كتب مادري وش جاها المهم بدايه تغير ودلع رحنا لسطح وقاعدين نفطر شوي تترع مدري وش تسمونها انتو قلت انا وبونجور الي قبل شوي طبعا قلت لكم مامنت عليها الا بعد مده وبعد مواقف لها يعني عادي تمزح معي بحدود الأدب قلته يبنات ولا ماقلته وتطالعني ذيك النظره انا نشبت الزيتونه بحلقي قالت الله يلعن من يفطر معك وقومي روحي جاراتيي كلهم استغربوا وش فيها ذي وانا بعد بسم الله وشقلت نزلت عندها أبشوف ويشفيها وادق وادق بابها ماترد اتصل عليها ارسلها الاقيها حاظرتني قلت يابنت يمكن متضايقه من شي اخليها لين تهدأ ورجعت للبنات جا اليوم الثاني نزلت لها أدق ماتفتح يكلمونها جاراتي ورده تبي تكلمك تقول مابي ولا تجيبون طاريها الشي الي بيني وبينها ماهو شوي وعشره وأيام ابنهيه عشان موقف تافهه ولا اطنشها ماقدرت لازم اقابلها وجه لوجه المهم جو عندها ناس ونادت الجيران الا انا نزلت عندها ابي اتعذر لها وفرصه اقدر اكلمها واشوفها رحت لها وليت مارحت ابي اسلم عليها فتح ولدها الباب لي وادخل الاقيها معا الحريم تخيلو وقفت وقالت من جا بدون عزيمه مايلقى له فراش قمت انا قلت اسفه وحقك علي بس كنت احسب الفراش فراش اختي واسلم على ضيوفها ماسلمت عليها واروح طبعا متمالكه نفسي ولا بينت ابدا واروح لبيتي وابكي يبنات ابكي لين حسيت عيوني بتطلع حسيت اني برخص التراب نست كل الي بينا وياما قالت وعادي صدري شمالي عليها المهم لقيتها فكت الحظر عني بس انا حقدت عليها حقد عظيم وودي ارد لها الموقف بس مايهون على الايام الحلوه جارتي الثانيه تقول تراها بتكلمك بس يبنات انا معاد ابيها حتى تدخل بيتي خلاص علاقتنا انتهت عند هشي لأبي اضرها ولا ابي انفعها بسألكم امانه انا اخطيت بكلمتي لها بالأول وش رايكم فيها الي بتحرجني قدم الناس 😭