يبه ياللي معاليقي مواطي معاليك

بعض قصايدي القديمه اللي ماشافت النور وحتى بعض اللقصايد اللي نزلت هنا اشتاق لها
وراح احطها بمتصفحي

ست الحبايب اعلم اني مقصره لكن اسال الله ان يعينني
يالله ياللي لانصى العبد بابه&يفزع وفزعاته تداوي الثلومي&
يشفيتس من عنده ويرفع صوابه&ياغلا بشر حتى تزين العلومي&
يشفيتس ربي ثم تزول الكآبه&لين نتباشروالسعاده تدومي&
لاجيت ابشكي هم قلبي ومابه&فكرت في همتس وضاعت همومي&
ست الحبايب والعرب والقرابه&حبي لها باقصى الضمير مختومي&
مثل السحابه فوقنا ياسحابه&وصلتس موقينا لهوب السمومي&
الله ومر عبده يذلل جنابه& للوالدين يكون قلبه رحومي&
وانا وقلبي والشعر والكتابه&نفدى جنابتس لاحصل لتس لزومي&

ام محمد اقدر كثيرآ متابعتك
واسفه لصعوبه اللي وجدتيها هالقصيده كتبتها بلهجتي البحته
لكن ستكون اسهل لك لو قراتي .التس .كاف.
يعني مثلا .وصلتس. تكون .وصلك.يشفيتس.تكون يشفيك.
تكون اسهل كثير
واعدك ان احاول الكتابه باللهجه البيضاء التي يفهمها الجميع
اكرر اقدر متابعتس ........عفوآ متابعتك
اعتقد كذآ تكوني تعرفتي على مفردات بسيطه في لهجتنا النجديه
ومرحبابك اخت وجودها اضافه لي

ام محمد اثق جدآ في سعة فهمك والتوضيح انما هو لغرض في نفسي
تواجدك اكثر من مره يعني لي الكثير كم انا ممتنه
تابعيني فلست في غنى عن مثلك