بياض+نعومه+صفاءالوجه والباقى تعالوا شوفوه بالموضوع

السلام عليكم ورحمة الله وبركاته

اول شى وقبل كل شى انا ما اكتب اى طريقه الا واكون مستخدمتها
مثل ما كتبت تجربتى بالشعر
اولا اخبركم بالنتايج من الخلطه اللى بكتبها لكم

بياض الوجه
نعومه
اختفاء الحبوب
اختفاء الزيوان وكان متواجد بكثره على خشمى
بقع صغيره سببتها لى الشمس واختفت

نسيت كريم الاساس اللى كنت الطخه بوجهى 24 ساعه
عشان زوجى يشوفنى احلى البشر :27:

بسم الله نبتدى

تاخذون النخى (( البليله- الحمص )) اللى يبيعونه بالخباز مع قشوره
وتلاقونه عند المطاحن وهذى صورته
http://members.lycos.co.uk/c6c6/up/pic/baleela.jpg

صفار بيضه



ماء ورد والكل يعرفه

4 الى 5 نقط ليمون



اول شى تاخذون النخى وتدقونه بالهاون
واللى ما يعرف الهاون هذى صورته


بعد ما تدقينه حطيه بالخلاط عشان يصير مثل البودره واذا تتعبك الطريقه وديها للمطاحن يسوونها لك

الطريقه ............
اخذى البليله اللى طحنتيها وضيفى عليها صفار بيضه و4 الى 5 نقاط ليمون وملعقه وحده ماء ورد

وتحطونها على الوجه والرقبه
مدتها ............ نصف ساعه تخلينها قبل النوم وتغسلينها وتروحين تنامين
الاستمرار عليها تعطيكم نتيجه حلوه

انا استخدمتها يا بنات لمده شهر
يستحسن تخلونها بالاسبوع مرتين يعنى اذا خليتيها يوم السبت استخدمى المره الثانيه
بعد 3 ايام يعنى الاربعاء
انا كنت اخليها كل يوم وجتنى اليوم وقالت لى حطيها مرتين بس

النتيجه ,,,,,,
ماشالله وجهى تغير 100 درجه وصار صافى :27:
اختفت كل البقع والزيوان راح مثل ما ذكرت لكم


بتقولون لى كيف عرفت الطريقه اقولكم شلون
وحده مغربيه قبل لا تتزوج كانت موجوده معانا المهم غابت عنى 5 ايام بس يا بنات
وما شفتها بعد الخمس ايام لاحظت شى متغير فيها ما حبيت اسالها ولا احرجها المهم
سافرت انا لمده اسبوعين ورجعت مره ثانيه وجتنى البيت تزورنى لما شفتها ما قدرت امسك
نفسى وسالتها انتى وش مسويه قالت لى عن الطريقه هم قبل لا يتزوجون يسسون خلطات
عشان بشرتهم ترجع صافيه مره ثانيه
وسلامتكم طولت عليكم
وبالتوفيق للجميع انشالله

ويه ما فيه اسم الملقبه ب ام عبدالعزيز الله يخليه لى قولوا امين

تصبحون على خير