بياض البشره السمراء هل ممكن .؟؟؟

اول شي مو كل شي البياض وما بياض صحتك اهم اعرفي ايش تستخدمي بدون ضرر على جسدك .
وبنسبه لسؤالك ممكن اذا انتي كنتي مولوده وبشرتك فاتحه ومع السنين والاهمال صارت سمره تقدري تصيرين فاتحه .
الشغله سهله بس عزيمه واصرار وميزانيه😂<<اهم شي
حطي على وجهك ماسك لتفتيح انا بنسبه لي السدره والحليب بوده وموية ورد يوم ايه ويوم لا بس لازم تعرفي نوع بشرتك اذا جافه ماينفع السدره لها وقبل النوم رطبيها مثلا بزيت الفتامين سي .واهممم شي الحمام المغربي في الاسبوع مرا واشتري غسولات لوجهك وصنفره واستخدمي صابونك اليومي صابون البابايا5×1 ورطبي جسمك بأي لوشن .
اشربي مويا كثيييير . عاد اذا نزلتي السوق دايمن اشتري انواع من اللوشنات وشوفي انواع من الصوابين المفتحه جربي ذا وجربي ذاك بس اتأكدي انها مش مضرره .
انا بقولك اذا حسيتي انك بيديتي يجيك كسل من الاهتمام شوفي الصوره البنات سواء بلانستا او السناب وكيف هم حلويين صدقيني بجيكي حمااس انك تستمري في الاهتمام وما توقفي لين تصيرين احلى منهن واذا وصلتي للمطلوب خلي الاهتمام بسيط وكذا بتكون انجزتي وارتحتي.

شكرا خيتي والله افدتيني

اختي جربي مقشرات ريتن اي الخلطه الثنائيه اللي بتنخلط مع بعض
تعطيكي بياض حلو وامن على البشره باذن الله
وراح يفتح بشرتك

عزيزتي في صابونات تفتيح وتبييض من غير رجعه للسمار
لو حابه كلميني خاص

من كلامك الله يستر شكلك ناويه على الخلطات الطبيعية من كثر ما وسوسوا بك، انصحكم نصيحه السدر سمعت بنفسي الحريم الكبار يقولون ما ينحط على الوجه يجيب تشطّبات مع الزمن (يعني تجاعيد) وفيه وحده هنا الله يذكرها بالخير قالت إنه قوي على بشرة الوجه ما يصلح لها أبد، والفواكه الحمضية خاصة الليمون والبرتقال وقشورها تسمر وتصبغ البشرة وترققها وتشيخ بسرعه هي والزبادي وأحماض الفواكه اللي بالكريمات ينطبق عليها هالشي وكريمات التقشير الكيميائية اللي تخلي جلدك يتقشر زي اﻷفعى ويطلع جلد جديد نفس الشي تستانسين شوي وبعدين تبدا تشيخ في عمر صغير هذا كلام دكاتره وفيه للأسف أطباء يسوقون لها وحنا المتضررين

اللي يقول عنك سمرا مب حلوه إذا كشختي، يعتمد على نفسيته المريضه يبي يطلع عيوب في الناس عشان يغطي عيوبه و يبين إنه كامل وواثق بنفسه
إنتي قلتي إنك سمراء حلوه وشعرك حلو ما شاء الله اشتغلي على ابراز جمال السمر بالعكس بتصيرين مميزه بينهم خاصه إني ملاحظه ما شاء الله إن بشرة السمراء ما تشيخ بسرعه زي البيضاء
كل اللي يبونك تصيرين بيضاء يلعبون بنفسيتك عشان لو ادّهرتي بعمرك بهالخلطات الطبيعية والكريمات وسببت لك تجاعيد مبكره بكره يشمتون فيك
حافظي على توازن بشرتك الحمضي لا تحوسينه بهالخلطات عشان ما تندمين بكره ، اشتغلي على اظهار الحيوية ببشرتك باﻷكل الصحي خليها تقوطر صحه عشان يحترون لو دخلتي الثلاثين إلا وأنتي حلوه وبتشوفين البيض اللي يحوسون ورى الخلطات ويحطمونك كيف يتجعدون قبلك
ارضي بخلقة الله غيرك يتمنى الحلا والعافية ما لقاه وإذا أحد لمّح للونك لا تسكتين له قولي اللي خلقك بلونك الأبيض خلقني عندك اعتراض يالنفسيه ؟ إذا عندك اعتراض وجهك أولى أو جسمك فيه كذا وكذا فيك حيل صلحه (لمحي لعيوبه) عشان يبلع العافية، والله يهون اللون قدام التجاعيد المبكره يهوووووون انتبهي ترى الناس ينتقدون حتى البيضاء هذا أنتي تقولين عن خواتك بيض بس مب حلوات وشعرهم مجعد ! بينتقدون خلقتك لين تدخلين قبرك تعوذي من شرهم وقولي الحمد لله على كل حال، اهتمي بس بالترطيب بأي مرطب خفيف ما فيه مواد كيماوية للتبييض، شوفي المشاهير السمر ما أثر عليهم السمار مكملين ومحبوبين الله يتوب علينا وعليهم