لا احلل دخول الرجال
لاحظت هالفترة كثرة سوالف التبييض والحبوب بالقسم والاختلاف بالرأي والي تجي تمدح والي تذم
والبنات مساكين ضايعين انا سبق وعرضت مساعدتي على البنات وراسلوني مجموعه من البنات وساعدتهم
وفكرت بالموضوع وقلت انزله واكسب اجر بالبنات افضل والله تعور قلبي البنت الي تجي تبي من البنات مساعده
وتترجى فيهم ولا حياة لمن تنادي
انا راح انزل نظام انا استخدمته بنفسي و مصوره النتيجه قبل وبعد
الكورس مكون من فيتامين + كريمات + زيوت
اهم شي الفيتامين
هذي صورته
30 حبه حبه باليوم لمدة شهر تؤخذ حبه بعد الوجبه
ملآحظه : الحبوب فيها نسبة عاليه من الحديد ما تناسب اي شخص
استخدمتها والله ان بشرتي طلعت تلق لق مو طبيعي الكل يسألني عنها يحسبوني عامله ليزر
من كثر نظارتها ما شاء الله لا حول ولا قوة الا بالله
الشي الثاني الكريمات
نستخدم كريم افالون + ريتين اي + الدوكين 4
في حال ان بشرتك فيها اثآر يومياً تخلطين بيدك كميه متساويه من الدوكين والافالون ونص الكميه ريتين اي
توضع قبل النوم على بشره نظيفه
ولو كانت بشرتك صافيه استخدمي الريتين اي 3 ايام قبل النوم وبعدها استمري على الافالون والدوكين
وارجعي استخدمي الريتين مررا بالاسبوع فقط
لو كنتي تداومي وتتعرضي للشمس انتبهي تستخدمي الكريمات راح تسمرك كثيررر تقلبي فحم
وضروري تستخدمين الواقي حتى بالبيت لان الاضاءه وحرارة المطبخ تأثر
في حال انك تتعرضين للشمس اتركي الكريمات واستخدمي افالون لوحده> لان فيه حمايه
مع وضع الواقي قبل الدوام > عن نفسي استخدمت افالون لوحده وصاحبتي استخدمت الخلطه لان فيها آثار ورؤوس سودا
ضروري تعملي اختبار قبل الاستخدام في بنات ما يناسبهم
الشي الثالث الزيوت
زيت الخروع + زيت الليمون + زيت اللوز المر + خل تفاح وليمون + مويه ورد
انا استخدمت هذي الزيوت في الكورس لكن حالياً بديت بالخلطه من جديد واضفت معاها اشياء ثانيه
الي تبي تضيفها راح تلاقي نتيجه اكثر
زيت بذرة العنب + ترمس + حمص + سدر + حنا بيضاء +كركم جسم + جلوسليد
تضاف على الزيت وتخلط بالخلاط المقادير تكون ملعقه وسط من الترمس والحمص والحنا والكركم
وفنجان من الزيوت الخروع واللوز المر و زيت الليمون و فنجان من خل التفاح والليمون ومويه الورد
كميه المويه(الخل والليمون ومويه الورد) تكون نصف كميه الزيوت
تخلط كلها مع الجلوسليد انتي اخلطي على حسب القوام لحد ما يصير كريمي لو صار سائل اضيفي نشا عشان تتماسك
استخدميها قبل النوم او قبل الترويش بساعتين
كريمات الجسم
كريم فير اند لفلي مضاد البقع حجم كبير
فير اند لفلي بالفيتامينات حجم كبير > او النوع الي يعجبك
كريم كيلي علبتين
تخلط مع كريم بلوك اند وايت بالبابايا
اخلطي الفيراند لفلي مع الكيلي بالخلاط بعدها اضيفي بلوك اند وايت بكيمه متساويه
نجي للصابون
كنت استخدم صابون مغربي وصابونه البابايا 4*1
يوم بالصابون المغربي اتركه خمس دقايق على الجسم
ويوم ثاني بالباباياا بنفس الطريقه خمس دقايق على الجسم
تفركي مرا بالاسبوع بالليفه المغربيه
استخدمي صنفرة كاب مرتين اسبوعياَ اتركيها على الجسم لين تجف وبعدها اغسلي جسمك
بنات الكورس مرا سهل لا تشوفون كثر الاغراض تقولون كثير لا والله سهل
خصوصاً لو استخدمتي الزيوت مع كريمات الوجه قبل النوم واذا صحيتي تروشي بالصابون واستخدمي خلطه الكريمات على الجسم
اشربي كوب ماء مع ليمونه على الريق ينظف الكبد
طبعا بتسألوني عن النتيجه النتيجه تظهر بعد 3 اسابيع من الاستمرار اليومي
استمري على الزيوت يومياً لمدة اسبوعين وبعدها يوم اي ويوم لا لمده شهر ونص وبعدها خليها 3 مرات اسبوعياً
كريمات الجسم استمري عليها شهرين وبعدها استخدمي بلوك اند وايت لوحده
كريمات الوجه كحد اقصى شهرين ممكن تتركينها قبل لو لقيتي النتيجه
استمري بعدها على الماسكات الطبيعيه عشان النتيجه تدوم
مثل الفول والحمص والترمس والحلبه المطحون مع الزبادي > حلو مرا للمحافظه على النتيجه
نصايح ثانويه
شرب مويه كثير وفواكه وخضروات
كلي عنب اسود فيه جلوثيون طبيعي
افطري تمر مع لبن > خطير للبشرة
وبالنهايه صدقوني كلها اسبوع وانتم متعودين وبتصيرعاده لا تفكرين متى اخلص الكورس لا تعودي عليه
انتي بالنهايه بنت والعنايه ضروريه
نجي للنتيجه على جسمي
انا بشرتي بيضه بس قبل الكورس كانت مايله على اصفر من سؤء التغذيه والاهمال
وبعد الكوس مرا تنورت وصارت ورديه
والنتيجه على وجهي كانت اضعاااف النتيجه على جسمي مرا واضحه على وجهي ما شاء الله
هذي الصور ( اتمنى من المشرفات عدم حذفها لان من جد محتاجين للمواضيع الموثقه بالصور يكون فيها صدق بالتجربه اكثر )
××××××××××××
××××××××××××
يمنع وضع صور شخصية
قبل لوني مطفي نوره وبعد مرا منور وعلى الطبيعه واضح اكثر
الصورة الثانيه اخذتها بعد الكورس بشهر ونص تقريباً
اتمنى ان ما اكون نسيت شي او نسيت ما انبهكم على شي
بنات كل وحده مسؤوله عن نفسها في حال استخدمت الكورس ومسؤوله عن اي نتيجه تطلع فيها
ولا تجي وحدا ترمي علي لوم او اي شي اللهم بلغت اللهم فشهد
وبالنهايه ادعولي بالنجاح والتوفيق بالدراسه وان ربي يرزقني الزوج الصالح عاجلاً غير اجل
ويطول بعمر امي وابوي ويشافيهم ويدخلنا الجنه بغير حساب
انا تعبت على موضوع اخذ مني 3 ساعات ارفعوا الموضوع ولو بكلمة شكر > ما استاهل منكم ؟
لا احلل نقل الموضوع نهائياً
لا احلل حفظ الصور