بياض شاميات ويابانيات بدون اي كريمات

السلام عليكم

عزيزاتي الحوائيات دائما نسمع عن بشرة الشوام وبياضهم او الايرانيات وصفاءها او اليابانيات وكثر الكلام وش يستخدمون وش ياكلون وش يشربون ...
تصدقون انا اكتشفت سر كل اصحاب البشرات الجميلة وابعلمكم اياه مجانا علشان ترتاحون >>> ايه هين لو ينباع ماقصرت معكم خخخخخخخخخخخ

المهم حبيباتي انا بشرتي كانت حنطية وفوق هذا سافرنا للشرقية وكنت اسبح في البحرو الشمس الحارة ساطعة لمدة ثلاث ايام متتالية بدون اي واقي للشمس صارت بشرتي ماشاء الله مثل الشوكولاته ......... اذكروا الله خخخخخخخخخخ

المهم بعد ايام قليلة رجعنا للرياض وكنا انذاك في العطلة الصيفية >>>> متعوب عليها خخخخخخخخخ
ومن الزهق قال اخوي ابطلعكم على ينبع قلنا يلا وراك وش ورانا ونروح على ينبع ثم على ضباء ثم على حقل لما صرنا في حقل كنا قريبين جدا من الاردن قال هاه وش رايكم نسويها وندخل الاردن قلنا يلا ممدين على عجاج الرياض وحره وشمسه المهم طلعنا على الاردن وتعرفنا على ناس زي العسل وصرنا واياهم كشتات ولا احلى وجلسنا اسبوع في الاردن واضطرينا نرجع للرياض لان اجازة اخوي حبيبي انتهت طيب كل هالحكي وش الفايدة منه .............انا اقول لكم المفاجأة انه ماتمينا اسبوع في الاردن والا واحنا شوي ونصير شاميات من البياض اقسم بالله انه هذا اللي صار معنا بدون اي كريمات وبلاوي حتى لما رجعنا الرياض ربعنا انصدموا من بياضنا

يعني الزبدة بياضهم وصفاءهم سببها اجواءهم الحلوة بالذات الاردن مو اجواءانا قوايل وسموم وعجاج لا ويقولون ليش احنا شهبان لهبان ومناطق سوداء اقول احمدوا ربكم على العافية ولا تلعبون باعماركم علشان البياض ... نعم اهتمي ببشرتك بس بحدود معقولة مو تلعبين بعمرك ابر وكريمات مسرطنة علشان تصيرين زيهم اذا بغيتي بياض روحي للشام اسبوع واستانسي بترجعين بيضا مثلهم واحسن منهم
وايضا ما اقول مستحيل تصيرين بيضا وانت مارحتي لديرتهم يعني مو تحطيم لكم لا ممكن بالاهتمام والمثابرة تصلين للبياض اللي تبينه ...........

اخيرا اختي تذكري ان الكلمة الطيبة صدقة فقولي خيرا او اصمتي وهذه تجربة شخصية حبيت افيد بها باقي خواتي .