هذي اول مشاركه لي في هذا المنتدى وللأسف ابتديت معاكم في مشكله
بس إن شاء الله أعوضكم خير بعد هذي المشكله ....
مشكلتي يا حبيباتي مرت حماي تحسبني البيبي سيتر حقتها
كل طلعه لها عيالها تجيبهم عندي تصورو حتى السوبر ماركت ساعات يوم بتروح تحطهم عندي
بتقولون أعتذري منها بس من قلت وقاحتها أصلاً ما تتصل قبله
على طول زوجها يطق الباب وهذوله عيالي وأنا بطلع مع مرتي يعني ما تقول يمكن تعبانه أو مريضه باختصار ما عندها ذوق وإذا تكرمت ويبون يعطونه خبر حماي يكلم زوجي وبس يعني كأن العيال زوجي بجابلهم ساعات اقط عليها نقزات واقول يمكن تفهم تدرون شنو ترد :
تقول أنتي فاضيه وماعندج عيال
طيب الله مارزقني أنتي بتبلشيني في عيالك أنا مو ضد أني أساعدها بالعكس يعني لو تكون جد محتاجه اوكي مافي مشكله أمسك بناتها
بس انها تروح للسينما وأنا أخد أثم لأني ساعدتها على معصيه لا مايصير
تصوروا تصير قعدت حريم ويسولفون وين يحطون عيالهم إذا بيطلعوا مع أزواجهم
كل الحريم يقولون عند الشغاله تصوروا شتقول : لا أنا أحطهم عند فلانه ( تقصدني )و تأشر علي بطريقه سخيفه يعني بكل وقاحه تساويني بالشغالات
والله انا مقهوره حيل منها وياريت تعطوني حل لأني عقلي وقف عن التفكير
و رزقكم الله .... رياحين الجنه
اسفه انا ماعندي حل اكيد لانه مهما كان انتي اكثر معرفه بظروفك وحياتك
بس انصحك اختي وحبيبتي لا تحاولين تجيبين لنفسك المشاكل ووجع الراس من اول حياتك حاولي تتفاهمين معها بالطرق الوديه وتكسبينها
ومره ثانيه الله يوفقك ويساعدك ويصبرك