بيبي فيس المحلول الأعجوبه

بصراحه متردده كثير اني انزل موضوع عن المحلول هذا
لأن كثير يستخدمونه واخرتها يحرقون انفسهم
والسبب الأستخدام الغلط
ولا المصيبه اللي يقول
استخدمي 3 بعده 2 وبعده 1
اللي سوت كذا..... باقي بوجهك جلد؟!!!
حشا
والا اللي تغسل وجهها بصابون !! وهي تقشر ... يعني سؤال يقرقع في جعبتي^_^ ...... انتي تبين تجددين بشرتك أو تملينها تجاعيد!!
,,,,
لاتقولون طولتي بالكلام...
لأني بطول ونص ... لان فيه بنات حاطات عقولهن بالكف ويتمشون فيه


لا تقولين بفتح وبغمق


انتي اهتمي بالصفا والنضاره وتجديد الخلايا وتأخير التجاعيد وبس


لان التفتيح ياقمر انتي وياها
بترجعين للونك الأصلي لو بعد 5 سنوات
او بتتفاوت درجات لونك وتطلعين مخططه ((ياخراشي))


ياجمالك لو بيضاء
ويافتنتك لو برونز
وياجاذبيتك لو سمراء


يعني انا كتبت الموضوع عشان تزيلين الجلد الميت,, وتصفيها,,وتعطيها نضاره واشراق ما ياخذ منك ولا 7 ايام
ف بسم الله
يلزمك
بيبي فيس رقم2((متوسط القوه)) لان 1 خفيف مره و3 يحرق
قطن
كريم حساسيه اي نوع
زيت بشره اي نوع
الطريقه
الطريقه
الطريقه
اللي تهبب ماعلي منها وتتحمل اللي يجيها
وقت التقشير بأيام الدوره حتى ماتتوضأي كثير....لان الماء يجفف
اليوم الأول ..حطي بالقطنه من المحلول ومرري ع بشرتك كلها وحتى الرقبه .. وعيدي المسح بس ع الجبهه والرقبه((السبب لأن الجبهه والرقبه يطولون ماتقشروا فعيدي عليها...علم!!))
اليوم الثاني ..نفس الطريقه
اليوم الثالث .. بتلاحظين طلعت قشور حول الأنف والفم .. حطي من المحلول ع البشره وتجنبي المناطق المتقشره____اذا خلصتي خوذي شيء خفيف من كريم الحساسيه وحطيها ع المتقشر...مو تغرقينه*_*....مسحه مماتذكر
اليوم الرابع .. نفس الطريقه.....والخامس والسادس......
اليوم السابع جيبي الزيت حطيه بيدينك وفركي وجهك فيه((بنعومه ياحلوه... ترا وجيهنا أرق من القدور كثيرا))...راح تشوفين القشور بيديك وعادي شيليها لأنها انفصلت عن البشره
بعده اغسلي وجهك بصابونتك ورطبيها
انتهت الهمه^______^


ملاحظات مهمه؛؛؛
-قد ماتقدرين تجنبي الماء.....واذا استحميتي لا تنسين مرطب خفيف مجرد مسحه حتى مايشد الجلد معك...واذا جاء وقت المحلول اغسلي وجهك عن المرطب.
-الواقي لو تموتين لا تطلعين او تطبخين الا حاطته.
-البرنامج ممكن ياخذ 4 ايام وممكن 8... ع حسب البشره....فلا تدققين بكلامي.....اهم شيء تمشين ع التعليمات مو الأيام.